و بعد 5 شهور و نصف من العمل فى هذه الشركة

الموضوع ده مضايقنى قوى

أنا دلوقتى يعنى عديت ال 5 شهور و نصف من الشغل فى هذه الشركة الحالية اللى موجودة فى مكرم عبيد و حاسس انى كم مهمل و بأقبض مرتب على الفاضى طبعا ممكن ناس تتعجب و تقول : ازاى يعنى ؟ هو فى شغل النهاردة حد بيقبض مرتبه من غير ما يشتغل ؟ طيب ما تقولنا كده فين هو و احنا نقدم عليه من بكرة ؟ طبعا الجمهور حايختلف هنا ما بين مستهزأ و جاد

هو فعليا فى مشاريع انا باعملها و المفروض انها حا تتحط فى "بكرة العرض" بتاعت الشركة او "الديمو رييل" و هى المفروض زى ما تكون"السى فى" بتاعت الشركة بس بتبقى عبارة عن ملف فيديو فيه اعمال الشركة بما ان الشغل بتاعنا معظمه عروض مرئية

بس انا لغاية دلوقتى ما اشتغلتش فى مشروع حا يجى منه فلوس

طبعا التسلسل كالأتى : بكرة العرض تجيب شغل و الشغل يجيب فلوس و بما ان الشغل هو اللى بيجيب الفلوس فالشغل اهم
وا بما ان المكتب حاليا داخل فيه مشاريع و اثنين من المهندسين المتنكرين فى زى بنى ادمين بيشتغلوا فى المشاريع دى

و انا طبعا الناس بيتهيألهم انى جاى و ماليش لازمة و صاحب الشركة طبعا طول الوقت مشغول و انا مش بأعمل حاجة معظم الوقت غير انى بأكتب فى البلوج , ادور على حد فاضى زى اكلمه على الماسينجير أو افتح الاس بوك على رأى واحد زميلى و احيانا اقعد اكمل "مودل" بتاع عربية و خلاص

الاتنين بقى المهندسين اللى متنكرين فى زى بنى ادمين على وفاق تام مع بعضهم و بسلامتهم عملوا على حلف اول ماجيت الشغل. اللى انا استغربت له ان واحد منهم كنت بأشتغل معاه فى اول شركة اشتغلت فيها

و بعد ما عملوا على حلف راح بسلامته اللى كان بيشتغل معايا قبل كده اتصل بى و قال لى " انا بأتصل علشان اقول لك ما تزعلش" و لما قلت له نتكلم فى الموضوع ده بكرة راح قال لى " لأ مانتكلمش فيه خلاص"

بس طبعا هو قعد مع التانى فى الشركة دى اكتر من سنة و داخل على نصف سنة فا طبعا هما اصحاب طحن
اصحاب فى كل حاجة فى الاصحاب والشغل و الخروجات و السجاير و كمان الحشيش

و اذا اتكلمت فى اى حاجة ودخلت فى جدال مع واحد من الاتنين وحاولت اخد رأى حد طبعا اكيد انتوا خمنتوا ايه اللى بيحصل

سيبونا من الموضوع ده على جنب بصراحة لأنى كل لما بأفتكر الكلام ده بأضايق اكتر

انا حاسس معنويا انى مش بأعمل حاجة تخلينى اقبض اخر الشهر لأنى مش بأنتج حاجة فعليا

أنا اشتغلت فى شركتين غير الشركة دى و كنت بأحس انى استحق المرتب بتاعى و زيادة كمان بس الوضع مختلف بكتير عن هناك

حاجة تانية مضايقانى : أنا كل لما تيجى اجازة الاسبوع و اقعد اتصل بجميع البنى ادمين الاقى كل واحد فى موال و انا قاعد كده فى البيت و الناس اللى انا اكلمها تنفض لى و ما حدش يرد عليا بعد ما اتصل بيه و مش لاقى حاجة اعملها " طبعا الحاجة اللى المفروض اعملها و مابأعملهاش هى رسالة الماجيستير بتاعتى ودى حاجة (كام احنا لغاية كده : اه تالتة ) مضايقانى برضة و نفسى يبقى لى نفس انى اشتغل فيها

حاجة رابعة مضايقانى : انى قاعد لواحدى فى الشقة اللى متأجرة دى و طبعا دى قصة يطول شرحها بس ببساطة حاولت اكتر من تلات مرات اقعد فى البيت بتاعنا مع والدى بعد ما نزل من دبى ما نفعش و اتطردت مرتين و مش عايز انها تبقى المرة التالتة و انا عارف كده

اكيد انا اللى غلط مش كده برضه ؟ ياريت حد يقول لى لأنى مش عارف دلوقتى الصح من الغلط

مش عارف المفروض ان الحياة عاملة زى رسم بيانى بيطلع و ينزل بس انا حاسس ان المنحنى بتاعى بينزل بس

قلة الادب و السفالة جزء لا يتجزأ من الانثى المصرية

امبارح كانت نفسى هفانى على دومينوز بيتزا

و بما انى ما ينفعش اتصل بيهم لأنهم مش بيوصلوا لغاية المكان اللى انا قاعد فيه دلوقتى فا قررت انى ازورهم جنب بيت الريس فى روكسى و اخد البيتزا و اروح

و طبعا كنت متخوف من انى امش بالبيتزا فى الشارع لأن الشعب المصرى مفجوع و كل لما يشوف اكل يشحت كأنه ما اكلش من سنة

المهم انا قررت انى اعمل خطة رحلة لروكسى و بعد اما اخلص ابقى اروح اجيب البيتزا

روحت كومبيومى اللى هناك و بعدين اكلت فى ماكدونلدز و بعدين روحت الحرية مول و اكتشفت انه مول نسائى 150 % نظرا لعدد المحلات الموجهة للسيدات و العانسات و صراصير البلاعات

المهم قمت رايح على دومينوز بيتزا و طلبت الطلب بتاعى و بعدين فضلت واقف شوية و لاحظت ان فى بنت دخلت و وراها جاموستين تانين منهم الجاموسة الام

كان فى كرسيين قمت قاعد على كرسى فيهم . البنت ما فهمتش ايه اللى هى المفروض تعمله فا لاقيت انها كانت حا تقعد و بعدين هنجت كده يجى 5 ثوانى و بقت فى حالة كده ما بين انها نصف واقفة و نصف قاعدة وبعدين بعد كده استنتجت انها ما تقعدش علشان الجاموسة الام هى اللى تقعد

المهم انا قاعد و مستنى الطلب بتاعى و سمعت البنت بتتكلم مع الجاموسة الام و حسيت كده ان الام قررت انها تطلق لسان الشراميط السليط وقالت كده فى صوت خافت قوى " ما عندوش دم خالص" طبعا البنتين و هما واقفين قرروا انهم يتداركوا الموقف و قعدوا يتناقشوا على ايه الطفح اللى هما حايطفحوه من دومينوز بيتزا النهاردة

انها لما سمعت التعليق الواطى ده سألت نفسى ازاى ممكن انى اضايقهم اكتر من كده فا جاء فى دماغى انى افضل قاعد لغاية لما ياخدوا طلبهم و يمشوا و ممكن اكل كمان و انا قاعد او انى اشتم الجاموسة الام او حتى اناولها لكمية من اللى ما شافتوش من زوجها البيهم

اخدت الطلب بتاعى و بيعدين قعدت شوية و اول ما قمت من على الكرسى راحت جاموسة من الجاموستين الصغار قاعدة عليه

انا كنت قلت قبل كده ان الفرق فى الشكل ما بيفرقش يا جماعة : شرموطة و لا محجبة هما الاتنين ليهم نفس اللسان

و اللى يضحك انى انا بما انى رجل و هى ست المفروض منى انى اقوم من مكانى فى اى حتة علشان بسلامة امها تقعد
اما فى اى شئ تانى زى مثلا العمل هنا بقى و استوب على كده هى زى زيها و حتى ممكن تاخد وظيفتى كمان لأن الرجل زى المرأة و لازم يطالبوا بالمساواة المنصفة للمرأة و ظالمة للرجل

و اذا ما قمتش اتشتم و قلة الادب تشتغل و برضة فى الحالة دى ماينفعش انى ارد لأنها واحدة ست فا ببساطة كده كده حا تتهان و مش حا تعرف تاخد حقك

الجاموسة الام دى تعتبر مثال اعلى للجاموستين الصغار و هى طبعا ست محترمة جدا لأنها محجبة و ليها بنت مش محجبة و بنت تانية محجبة بس الاتنين مشتركين فى ان الحجاب فوق الراس و الى تحت الراس بلابيص خلاص يعنى لبس محزق جدا

انا عارف ان فى ناس ممكن تغلطنى انا بس ده يا جماعة غلط . الغلط فين بقى ؟ الغلط فى اننا لينا حقوق برضة لأننا بنى ادمين
يعنى انا عميل عند دومينوز زى زيهم و من العدل ما دام فى كرسيين يبقى كل عميل ياخد كرسى

و لو انا قررت انى اقعد فا محدش يلومنى على كده لانه حق من حقوقى و اذا قررت انى اقف فا ده يعتبر تصرف نبيل منى
بس على ما يبدو ان التصرف النبيل بقى اجبارى مش اختيارى على كل الرجالة اللى فى مصر يأما يتهزأوا

طبعا انا كنت زى كتير من الرجالة (اللى فاكرين ان النبل حاجة نادرة و ان السيدات بتقدر النبل ده بس الحقيقة عكس كده و السيدات بقوا معتقدين ان ده ضعف من الرجالة و ان عين الرجل مكسورة )بأتصرف بنبل لغاية ما فى موقف كده خلانى اتصرف بندالة مع اى واحدة اشوفها فى الشارع زى مثلا الجاموسة الكبيرة دى

وبرضة من الواضح ان قلة الادب و السفالة و اللسان الطويل بتاع البنت المصرية جزء لأ يتجزأ منها

و ربنا يلعنهم فى كل مكان و زمان

اللى يخاف من العفريت بيطلع له : الجزء التانى

هو تقريبا انا كاتب المقالة دى علشان خاطر افتكر حاجة واحدة و هى

اللى يخاف من العفريت بيطلع له وده هو الجزء التانى لأن الجزء الاول ان العفريت طلع لى امام مدينة الطلبة عند جامعة القاهرة
اما دلوقتى طلع لى فى الفيس بوك

انا اسف لأنى ما كتبتش حاجة قبل كده بس ده لأنى كنت تعبان نفسيا

و شكرا

ملاحظة : احتمال ابقى اكتب عن عمارة لينكوبيان المرة الجاية

حاجات يمكن تكون صغيرة بس بتدل على حاجات كبيرة

النهاردة كالعادة كنت راكب مينى باص لغاية الشغل
و انا قاعد دايما بافكر فى حاجات كتير بس بتتقطع بأى حاجة ملفتة للنظر من حوالية

المهم سمعت واحد بيقول لسواق المينى باص " هو كده باقى الخمسين جنيه خلاص ؟؟ " و سواق المينى باص ما ردش عليه
الطبيعى لما الناس تسمع الكلام ده تفتكر ان الراجل ده عايز باقى مثلا جنيه على الاقل

راح قال " اصل زميلك برضه ما رضاش يفك الفلوس ما عندكش 15 قرش ؟؟ " برضة السواق ما ردش عليه

سيبك من الموقف ده دلوقتى و خلينا فى موقف تانى برضه حصل فى المينى باص

فى واحدة طلعت فى المينى باص و بعدين و هى طالعة كرشها خبط فى كتفى
طبعا انا قرفت من الموقف و ما اتكلمتش و بعدين الكرش الملهلط ده له احساس بأنك و قعت بوشك فى مادة لزجة

موقف تانى لما انت مثلا تكون عايز خدمة معينة حد يعملها و بعد لما يعملها يطلب منك الشاى بتاعه على الرغم من انك مش مرغم انك تدفع حاجة خالص او مثلا انت رحت تشوف نتيجة الثانوية العامة و رايح تسحب الملف بتاعك من المدرسة تقوم الدادات تهاجمك قبل حتى ما تشوف النتيجة و تطلب منك الحلاوة على الرغم من انك لسه ما شفتش حاجة يمكن النتيجة زفت زى وشهم و لا حاجة

نرجع بقى للموقف بتاع الراجل اللى عايز باقى الربع جنيه بتاعه
الراجل راح قال " يعنى كده فى ثلاثين قرش كده راحوا" قام واحد و هو نازل حاول يديله ربع جنيه فراح رفض و اتضايق و التانى مصر انه يديله الربع جنيه

طبعا ما حدش فاهم حاجة من المواقف دى و لا عارف ايه علاقتها ببعض

موقف صاحب الباقى ده و بقيت المواقف التانية بتتكلم عن حاجات الناس ما عادتش بتعمل ليها اعتبار و هى
حقوق الناس اللى عليك و ليك

صاحب الباقى ده من حقه انه ياخد فلوسه كلها كاملة و حتى لو كانت 50 جنيه او خمس قروش من حقه انه ياخدها كلها
صاحبة الكرش دى مثلا لو كان الموقف حصل و بدلنا الادوار و كنت انا اللى خبطت فيها كانت حاترأع بالصوت
وصدقنى لما اقول لك انه مهما ان كانت البنت اللى انت شايفها حلوة و امورة وشكلها نظيف زى احمد نظيف حتلاقى ليها لسان سليط زى لسان الشراميط لأن ده تحرش جنسى بيها و مش لازم تسكت عليه و تهزأ امك على الموقف ده

اما لو هى خبطت فيك فا ده مش معناه حاجة لأنها معمولة من طينة و انت معمول من طينة تانية و مش من حقك انك تفتح فمك لأنها بالطبيعة ما تقصدش حاجة اما انت اكيد تقصد حاجة و الحاجة دى هى انك تتحرش بيها جنسيا

صاحب الشاى بقى فا الموضوع بمنتهى البساطة انه بقى مفروض عليك حاجة اللى هى اختيارية و تعتبر حاجة انت اللى الوحيد اللى له رأى فى انه يعملها و لا لأ

فا اصبحت الاستثناءات قواعد و العكس

لو كل الناس اجمعت على انها تعمل حاجة يبقى خلاص بقت هى دى الحاجة الصح دلقوتى لأن ده العرف و احنا بقينا بنعبد العرف

حتى فى الامور المهمة مثلا زى الزواج بقى فى حاجات كده متعارف عليها لو ما حصلتش بجانب الحاجات الاساسية بقى موضوع الزواج ده لاغى و بلاش اتكلم على الحاجات دى لأنها بصراحة معروفة و كل الناس ساكته عليها و مش عايزة تتكلم فيها او تناقش مدى صحتها زى بالضبط موضوع صاحب الباقى و الشاى و صاحبة الكرش

و مبقاش فى حد او خط فاصل لو حد تخطاه يبقى نقف كده وقفة و نراجع نفسنا و نقول لأ لازم يبقى فى حل للأهمال ده

طبعا انا كان من المفروض انى افهم الانسة و لا المدام ام الكرش دى وجهة نظرى بس نظرا لأنى مش عايز اصتبح على لسان يمكن يكون فى نجاسة لسان الكلب فا فضلت انى ابلع وجهة نظرى مؤقتا مع الاعتذار لأنجس كلب فى الدنيا

هو مش شغال و لا ايه ؟

ازيكوا يا شباب

فى اعلان استفزنى قوى بيعلن عن منتج مش عارف ليه المنتجات اللى زيه كترت قوى اليومين دول و وصلت الدرجة انه اقراصه بتتباع فى السوق السودة

انا حاحكى الاعلان و بيعدين نتكلم

الزوج بيدخل على زوجته اللى قاعدة و مستنياه بالستيان الاسود و لابسة قميص كده يشرح القلب و الظاهر انها مش لابسة حاجة غير الكلوت تحت

و بعدين بتقول له انا اتصلت بيك كتير و كل شوية يقولوا انه خارج نطاق الخدمة
يقوم يقول لها : عادى عادى
قامت قالت له هو مش شغال و لا ايه ؟
و بعدين قال لها : عادى عادى
قامت سيباه و ماشية و هو قعد و متضايق ياعينى

و يعدين ظهرت علبة كده و مكتوب عليها اسم المنتج و فوقيها " استشر طبيبك قبل الاستخدام " و مكتوب تحت " حتى 36 ساعة

طبعا انتم فهمتم دلوقتى من هو اللى مش شغال

الموضوع ده فكرنى بحاجة فى البلاغة فى اللغة العربية اسمها "التورية" وهى انك تتكلم على حاجة صعب ان الواحد يفهم انك بتتكلم عنها بس فى نفس الوقت فى حاجة تانية اسهل ان الواحد يتخيل انك بتتكلم عنها

و بأعتذر عن الخطأ اللى حصل و بأشكر زميلى على تصليح غلطة التورية و اسف يا مستر علاء مدرس اللغة العربية بتاع الثانوية العامة اللى كان بيدرسلى من حوالى 7 سنين

يعنى مثلا فى الاعلان ده اللى سهل على الواحد انه يفهمه ان الهانم بتتكلم على التليفون بتاعه ولكن الرسالة للمشاهد مش على التليفون

المهم انا دعبست فى الويكيبديا و لاقيت كلام عن الموضوع بتاع الاعلان و فى كلام عجبنى جدا و من الكلام ده حاجة اسمها

The Placebo Effect

عادة الموضوع ده للرجل العادى بيسبب له خجل و عارو احساسه بالدونية من الرجال لأنه بيعتقد ان الكلام ده لو هو ناجح فيه يبقى دكر و مقطع السمكة وديلها و و و الخ.

و شوية الانجليزى اللى انا كاتبهم ممكن يتشرحوا فى قصة كانت بتتحكى للاطفال الصغيرين و هى ان كان في باين امنا الغولة كانت بتهجم على الغابة و فى ارنوب كان جبان و خايف منها فا راحوا لواحد كده و لا واحدة مش فاكر التفاصيل كويس قام اداله حاجة كده زى مصل الشجاعة و اللى يشربه يبقى شجاع و اول ما شربه الارنب حسن ان بقى له قوة يجيى عشر مرات زى قبل كده و ادى لأمنا الغولة تحت ديلها

و بعد ما امنا الغولة اخدت تحت ديلها ياعينى و هربت اكتشف ارنوب الحقيقة وهى ان المصل ده ما كانش غير انه عبارة عن شوية ميه والظاهر ان كان فيها شوية سكر و لا يمكن طرطرة ماحدش عارف و ان القوة دى كانت بداخله بس كان محتاج زى حافز يطلع القوة دى حتى لو كان الحافز ده وهمى و ما لوش اى وجود او اثر

ادى الفكرة بكل بساطة

موضوع زى الاعلان ده له ثلاث اسباب طبية من ضمنهم سبب معنوى و السببين التانيين مكتوب عنهم انهم بيتعالجوا عادى اما المعنوى ده بينفع معاه مصل الشجاعة بس قبل ما نتكلم على السبب المعنوى خلينا نتكلم على اسباب وجود السبب المعنوى

من اهم اسبابه طبعا الخلقة اللى هو بيشوفها كل يوم و سبب رئيسى فى اثارته و شهوته طبعا هما فى الاعلان اهتموا كويس ب لهطة القشطة اللى لابسه الستيان و كانت بتتفرج على نفسها ومعجبة بجسمها قوى فى المراية ..... طبعا حقها و عليها جوز بوبيز انما جامدين

بمناسبة البوبيز فى اعلان لميلوديز جديد عن كابتن ميلودى و مراته اللى هو بيناديها " بوبى" و ده اكيد تقديرا للبوبيز بتاعتها اللى قاعدت تطلع و تنزل و هى بتجرى و بالتصوير البطئ و .... احم شكلى كده دخلت فى الموضوع الغلط بس اهى كلها بوبيز و خلاص

نكمل مشوار البوبيز مع لهطة القشطة و اللانجيرى الاسود

طبعا ام حنفى دايما مش واخدة بالها غير من حنفى و الطبيخ و الغسيل وتنضيف البيت و اخر حاجة ممكن تاخد بالها منها هى زوجها و لما بيحصل انها بتلاقى وقت مستقطع كده علشان ترضيه فيه بيكون هو مش مهيأ نفسيا لها و ده نتيجة ريحتها المنتنة

فا ام حنفى طبعا من جهلها اللى ورثته عن تيزة افتكرت ان ده عيب راجلها و تشكو حظها الهباب اللى وقعها فى راجل زى ده اللى مش بيديلها حقوقها الزوجية تحت ديلها

فا يضطر ياعينى جوز ام حنفى انه يشترى المنتج اللى بيعلنوا عنه فى التليفزيون اللى عامل زى مصل الشجاعة املا فى انه يقعد معاه مش 36 ساعة ياريت بس ربع ساعة و انا باقول لجوز ام حنفى و لا حتى خمس دقائق لأن مشكلتك كلها فى دماغك مش فى اللى مش شغال لأنه مش بيشتغل غير بدماغك لأن مش مقتنع بصراحة ان مشكلة كل البنى ادمين دول مشكلة بدنية

ما علينا..... لما نشوف الدنيا واخدانا و رايحة بينا على فين

مع تقديرى وحبى لبزوزة ..... احم اسف اقصد لبوبى و كل من كانت على بوبيهاتها ..... اسف اقصد على شاكلتها

عن عنكبوتية النظام

كويس عنى واحد صاحبى اسمه " العنكبوت غير الحقيقى " بعت كلام فكرنى بحاجات كنت قرأتها فى بلوج و احد تانى الكلام ده مهم انه يتقال

الكلام اللى كنت قرأته عنى بلوج و احد بيكتب فى السياسة انه كان فى مرة راح انترنت كافيه فا لقى ورقة على باب الكافية مكتوب فيها " على كل مستخدمى النت كافيه ترك بياناتهم الشخصية مع الادراة و ذلك بناء على قرار من وزارة الداخلية "

فا صاحبى فكرنى بالكلام ده لما علق على المقالة اللى فاتت و قال انهم عايزين يتتبعوا المدونين ........ شئ جميل جدا

طيب انا كان فى دماغى حاجة ممكن يعملوها احسن من كده لغسيل مخ المواطنين يعنى مثلا فى ساعة معينة كده كان زمان التليفزيون المصرى متأكد ان الناس بتأكل ساعتها و بيجيب اعلان البلهارسيا

ممكن يختاروا ساعة يكون الناس فيها مبسوطين و كل انواع الاعلام تنشر رسالة فى التليفزيون و الراديو و حتى يتصلوا بكل المواطنين على التيلفون و يبعتوا اميلات على النت للشعب و برضه ينزلوا عدد خاص فى الجرايد بتتكلم فيها عن عنكبوتيه النظام فيها الرسالة الاتيه

و لازم طبعا يوفروا له ميزانية من ميزانية الدولة علشان دى حاجة لابد منها

احنا الحكومة يعنى احنا البلد و احنا عارفين انت بتعمل ايه و بتاكل ايه و بتشرب ايه و بتشخ كمان ايه

انت نسيت اننا اللى مقعدينك فى البلد بتاعتنا مشغلينك و بنأكلك و بنشربك و حتى الصرف الصحى بتاعنا و بنحلله علشان نعرف فين مصدر الخرة بتاعك و بالتالى نعرف انت فين

فاكون انك فاكر انك ممكن تعمل حاجة تضايقنا او حتى تنتقضنا ده مش مسموح بيه و حانجيبك و نطلع ميتين اهلك و ما حدش حايعرف لك طريق جرة و بعد ما نعملها معاك حانرميك فى اى حتة و حانطلع لك حاجة تافهة مثلا زى انك كنت بتنزل اغانى عمرو دياب من على النت و ده ضد حقوق المؤلف و المغنى و الملحن و الشريط ذات نفسه و عليه غرامة مائة مليون جنيه و احنا عارفين انك مش حاتعرف تدفع الفلوس دى لأننا طبعا اللى حاطيين القوانين اللى ما تتناسبش مع الشعب و لما ما تعرفش تدفع لازم يبقى فى عقاب ل ده

لازم تعرف انك عمرك ما حاتفلت من العقاب و مفيش مشكلة عندنا لو انت كنت كبش فداء لناس تانية دى حاجة خارجة عن السؤال. انت مش عارف اننا منزهين عن الخطأ و لا ايه ؟

احنا اللى بنقول ايه الصح و ايه الغلط والغلط يبقى صح للناس اللى معاهم نفوذ و سلطة اما الصح يبقى غلط للناس اللى عدمانة و معندهاش لا فلوس و لا نفوذ و مش من حقهم حتى انهم يطالبوا بأى حاجة من حقهم

و بصراحة احنا قرفنا منكم و انتم كترتم قوى و مش مستعدين اننا نسهل عليكم الحياة هنا . روحوا اشتغلوا فى بلاد تانية وخلوا اللى يسوى و اللى ما يسواش من العرب الهبل يقللوا من قيمتكم ويهينوكم فى كرامتكم . مش مهم المهم انكم تجيبوا فلوس لينا علشان احنا مأنتخين و مش عايزين نشتغل احنا عايزين الشعب اللى يصرف علينا. مش كفاية اننا مخلينكم عايشين و العيشة عليها ضرائب طبعا امال انتوا فاكرين ان فى حاجة ببلاش ؟؟؟

و بعدين الاجانب لازم يكون مرحب بيهم و يتعاملوا احسن منكم . مش هما معاهم فلوس و عملة صعبة و عايزين يبعزقوها و ييجوا يتفروجوا بشورتاتهم على ابى الهول و الاهرامات ؟ من حقهم طبعا و افتكروا ان السياحة خير لينا و بلدنا و ولادنا مش ولادكم

واوعوا حد يجيب سيرة قناة السويس لأن الايراد اللى بيجي منها ده المصروف بتاع جيمى و علوئة و ايوة هما مش مكفيهم انهم بيدخلوا ى مناخيرهم فى كل الشركات الكبرى و عاملين زى الشوكة فى ظهر كل رجل اعمال و مالكومش دعوة بيهم لأنهم محمين من الملائكة و برضه معصومين من الخطأ

واذا كان في حاجة اسمها ديمقراطية فا ده مفهموم احنا جبناه من برة و ايفناه على مقاسنا و بقى معناه اننا لينا الحق اننا نعمل اللى احنا عاوزينه و فى الوقت اللى احنا عاوزينه فيك و فى اللى خلفوك وهو ده ابن الحلم الامريكى و اسمه الحلم المصرى ابن الوسخة

و الحكم و التمثيل و الغناء و كل حاجة عندنا فى البلد وراثة ما فيش حاجة اسمها موهبة و لازفت

وقبل ما حد يعرف يغير النظام ده و احنا مش متوقعين ان فى حاجة زى كده ممكن تحصل لأن طيزنا ثقيلة و كمان غير انها تقيلة أتأكدنا اننا حطينا غره تحتيها علشان ما حدش يعرف يقومنا حانكون بعنا البلد دى حته حته وخصخصنا ها و حانروح كمان نصيف فى بلطيم و حانصرف فلوسنا على الفسيخ و البرسيم

و الستات هى اللى لازم تحكم و هى اصلا دلوقتى هى اللى بتحكم بس انت مش واخد بالك زى اى بيت مصرى فيه واحد اسمه الراجل سيبك منه ده كيس جوافة وواحدة هى اللى بتأمر و تنهى . انت مش عارف ان البلد خلصت منها الرجالة و لا ايه ؟ لو كان فيه رجالة كان كل ده حصل ؟؟؟؟؟؟؟

بعد كل الكلام ده لازم تفهم ان ده كله لمصلحتك أولا

و لما تلاقى الولد ماسك فى ايد جده و يشده و يقول له يا جدو

يبقى لازم تعرف انك أكيد .... أكيد فى مصر

و لو فضلت عايش ممكن ابقى اكمل الباقى

قرار د. نظيف ......... مش نظيف

شهدت مصر فى الخمس سنوات الماضية ( اللى فاتت يعنى ) تقدم و ازدهار فى القطاع الحوسبى المعلوماتى من خلال الانترنت فائق السرعة مما ترتب عليه الكثير من البنين و البنات كتير على الشات و افلام الفحش تتكاثر ما بين عيال الحشيش البؤساء و القليل من تطوير صناعة البرمجيات ........ ما علينا

المهم دلقوتى ان شركات الدي اس ال زهقوا من الولاد الكتير اللى بيقعدوا ينزلوا افلام و اغانى و حاجات وحشة و فى الاخر برضه عايزين يستنفعوا لأن 256 كيلو بت فى الثانية بقت خيار الشعب و بحسبه بسيطة كده معتمدين على ان السرعة مش بتقل عن 25 كليو بايت فى الثانية يبقى بتعملك حوالى 60 جيجا بايت فى الشهر

طيب ال 256 ب 95 جنيه

قام ايه بقى ........ قام معالى السيد الوزير الاستاذ الدكتور المهندس احمد نظيف قال : قشطة احنا نعمل افتكاسة جديدة زى ما كل سنة بنفتكس علشان تطلع ميتن ابو الشعب

يعنى السنة اللى فاتت زودنا المواصلات 10 قروش زيادة ( اللى هى 25 قرش مقنعة ) و الشعب حيقطع فى بعضه و احنا قاعدين بعيد علشان 5 قروش و احيانا الربع جنيه كله

و لا الخمسة جنيه نظافة اللى متعلقة بفاتورة الكهرباء . مش عارف يمكن يكون فى علاقة ما بين الكهرباء والزبالة ؟ الله اعلم


السنه دى بقى حانعمل حاجة جامدة قوى ....... بدل ما الناس تدفع 95 جنيه و تنزل 60 جيجا من النت لا ياعم حنخليك تدفع 45 جنيه و تنزل 2 جيجا وبما انك كنت خروف قبل كده حانخليك خروف مخصى المرة دى و نعمل لك نظام شحن زى الموبايل و لما تحب تنزل حاجة من على النت خارج الحد المسموح بيه حا تدفع 8 جنيه على الجيجا بايت.......... ايه رأيك ادينا بنفعك ياعم بس ما تقولش لحد

و للناس اللى مش مقتنعين بالحسبة عندنا 25 كيلو بايت فى الثانية ( طبعا العادى 32 بس الشركات بنت الوسخة بتزود مشتركين و الظاهر بتقلل فى عدد الاجهزة اللى تستحمل عدد المشتركين الجدد )

25 فى 60 ثانية = 1500 كيلو بايت فى الدقيقة وتقسم على 1024 حا تبقى 1.46 ميجا بايت

طيب 1.46 ميجا فى الدقيقة طيب فى الساعة كام ؟ 87.6 ميجا بايت

و اليوم ؟ 2.1024 جيجا بايت !!!!

طيب حانحسب بطريقة ظريفة كده و نشوف النظام الجديد مع متطلباتنا القديمة

اول يوم حاتدفع 45 جنيه طيب و ال 29 الباقيين نجرب كده ....... واحد اتنين تلاته هوبا

لو عرفت 29 يوم حاتدفع فيهم كام 464 جنيه حاديلك منهم جنيه

يبقى حوالى كده 509 قول 510 جنيه ياراجل

يبقى بدل ما انت كنت بتدفع 95 جنيه على نفس الكمية حاتدفع بدالهم 510 يعنى كام فى المائة ؟ يعنى 5 مرات زيادة

مش بالذمة لو الشعب ده وافق مش يستحق يدخل موسوعة جينيز فى عدد مرات لبسه للسلطانية

انا فعلا اتضايقت من القرار ده لأنى كنت بأحترم د.نظيف قوى بس الظاهر انه عمل كده مرغم على امره علشان يعتق فى الوزارة . يمكن الحكومة على النت بتاخد اتاوة ؟ الله اعلم

بس بعد القرار ده يا نظيف شكلك فى نظرى ما بقاش نظيف و اتمنى ان بعد ما الناس تعرف ايه عواقب القرار ده ما يبقاش فى شكلك حته نظيفة لأنك حاتكون كلك بقع و لا ايريال ولا برسيل حينفعوك بعد كده و لا حتى جنيرال بتاع مدام نظيفة !!

لما نشوف ايه اخر الهبل اللى بيحصل و ربنا يستر

كل سنة و البلوج بخير

طبعا النهاردة البلوج بتاعى كمل سنة و يومين فأحب أقول له كل سنة و انت طيب
أى نعم انا ما كتبتش فيه طول السنة كلها بس على الاقل هو كان لسه موجود و استحملنى واستحمل اهمالى له و حذفش نفسه بنفسه
وعلى العموم انا متأكد ان فى مقالة جاية فى الطريق

سلام دلقوتى علشان انا رايح استنى المقالة اللى جاية

لراغبى الزواج

أنا كنت قاعد أقرأ الوسيط فلاقيت الاعلانات دى و عجبتنى قوى فاقلت اكتبها و بالمرة ابقى ساعدت فى الاعلان عنها

الوسيط 13 7 2007

صفحة 47

الصقر الذهبى لراغبى الزواج

مطلوب انسات و مطلقات و ارامل فوق الاربعين عاما لدينا صفوة المجتمع و جميع الحالات الاجتماعية

27001788 -0183442144

______________________________

صفحة 48

للزواج الجاد العصرية

نوفر شريك الحياة بالسرية التامة " لدنيا مصريين و عرب" و انسات و مطلقات لديهم شقق للمعيشة

الحدائق 26845537
24862723
24862823

الهرم 5690475
0183890950

________________________________

صفحة 59

لراغبى الزواج " العالمية "

اتصلوا بالعالمية يا شباب - قبل ما تلاقوا الشعر شاب
اتصلوا بالعالمية يا بنات - قبل ما تقولوا القطر فات

"مهما تكن الظروف الشخصية " جميع المستويات و الطبقات و الاعمار
كما انه لدينا عرائس بشقة و عفش و ازواج يؤمن العروسة بمهر و شقة تمليك و سيدات اعمال و جنسيات مختلفة

فرع الهرم : 0125304213 - 37769471
فرع م.نصر : 24043527 - 22616024
فرع م.الجديدة : 22510854 - 22610852
فرع وسط البلد : 25739376 - 0120839506
فرع المهندسين : 0124416491 - 32610823

_______________________________

صفحة 62

لراغبى الزواج يونيفيرسال

الاشتراك مجانا و الارتباط مجانا

الوحيدة التابعة لوزارة الشئون الاجتماعية
الوحيدة التى تقدم لك شريك حياة فى اول زيارة
الوحيدة التى يديرها استاذ جامعى تعاونه حرمه
لدينا مهندسات و طبيبات يعملن بالخليج

24052636 - 24039436 - 24039432 www.1-4-me.net

________________________________

يا جماعة انا مش قادر اقول ليكم اد ايه انا مبسوط من الكلام ده

علشان احنا بقى عندنا كترة فى الاناث فا بقى التفضيل ما بين واحدة و التانية بالفلوس الامكانيات المادية
يعنى واحد زى فى بداية حياته حيلاقى راعية رسمية له لأنها مش لاقيه تتزوج

فا بتعرض امكانيتها المادية سواء عندها شقة او عفش او بتشتغل فى الخليج

بس انا ممكن استنى شوية يعنى كمان سنتين كده و اقعد فى البيت يمكن واحدة تجيى تخطبنى من ماما اكمنها شافت صورتى منها تجيى كده زيارة و تعاين البضاعة

ها ها ها ها ها ها

قانون ميرفى Murphy's Law

Murphy's law

• If anything can go wrong, it will.
• If there is a possibility of several things going wrong, the one that will cause the most damage will be the one to go wrong.
• If anything just cannot go wrong, it will anyway.
• If you perceive that there are four possible ways in which something can go wrong, and circumvent these, then a fifth way, unprepared for, will promptly develop.
• Left to themselves, things tend to go from bad to worse.
• If everything seems to be going well, you have obviously overlooked something.
• Nature always sides with the hidden flaw
• Whatever has happened wrong, is bound to happen again .... maybe even worse.

حاسيبكم مع القانون تدرسوه و بعدين حابقى اعمل تعليق عليه فى المقالة الجاية ...... ان شاء الله لو ما فيش حاجة حصلت غلط

خدمة العملاء ...... لا تعليق

من حوالى كده اسبوع رحت علشان ادفع 3 فواتير ( فعليا هما فاتورتين و نص ) علشان الدى اس ال يشتغل لأنه كان مقطوع عندى بقى له شهر

انا ماكنتش دفعت شهر 4 و نص 5 (لأن النص التانى لينك قطعت الخدمة ) و شهر 6 فضل النت فاصل فيه
روحت فرع الميرغنى علشان اشوف ايه النظام لأنى لقيت النظام التوماتيكى بتاع لينك حاسب لى كمان شهر 6 انى ما دفعتش الاشتراك فيه
وكان لنا هذا الحوار التالى ...... احم بس قبل ما اقول الحوار فيه حاجة حصلت قبل الحوار ده و لازم تتحكى

أنا كنت مستنى واحد .... فى الحقيقة هما ثلاتة مش واحد بس اول واحد فيهم اخد وقت اربعة علشان المشكلة بتاعته مع خدمة العملاء

و الحكاية بمنتهى البساطة ان الاستاذ "ج" كان بيدفع بانتظام للمحصل اللى تبع شركة متعاقدة مع لينك لتحصيل الفواتير و فوجئ بأن عليه 7 او 6 اشهر ما ادفعوش و كالعادة لينك قطعت الخدمة

فا الراجل بتاع خدمة العملاء قال له انك فى شهور ما دفعتهاش فالراجل طبعا انكر الكلام ده و قال له انكم بعتوا ليا على النت ان كان فيه كذا شهر مجانا و الكلام ده كان فى الجرايد كمان

طبعا الراجل بتاع خدمة العملاء قال لأ طبعا فراح الاستاذ" ج" قال له طيب انا خلاص انتم مالكمش غير المبلغ الفلانى عندى لو عايزين ترفعوا قضية ابقوا ارفعوا

وبعدين طلب انه يسوى حق الرواتر فالراجل بتاع خدمة العملاء قال على المبلغ بتاعه وده كمان ماعجبش الاستاذ "ج "و قال له انى خلاص حاديلكم الراوتر لأنه بقى بيهنج و بايظ و احسن لى اشترى و احد جديد و سعره كمان ارخص

...........ما علينا

انا بقى روحت اتكلم مع واحد تانى من خدمة العملاء

انا : انا كان عندى مشكلة

هو: رقم التليفون بتاعك كام ؟

انا: ........ (قال النقط يعنى هى رقم التليفون

هو: الاستاذ ر.........

انا : ايوة

هو: ايه المشكلة

انا: انا كان فى شهرين ما دفعتهمش و بيعدين قلت حاجى النهاردة علشان ادفع الفواتير لاقيت انك حطيتوا شهر 6 كمان و انت كنتم قاطعين ال دى اس ال من يوم 23 5 2007

هو : مافيش مشاكل يا افندم انا ممكن ارحل لك الشهر ده و تدفع بقيت الفواتير عادى

انا : شكرا

هو قعد يكتب شوية على الكي بورد و بعدين بص لى وقال: حضرتك بس حا تدفع 30 جنيه علشان شهر 6

انا : طيب ما فيش مشاكل

هو: ممكن حضرتك تروح تدفع الثلاث اشهر شهر 4 و 5 و 7 و ثلاثين جنيه لشهر 6 فى الشباك اللى هناك وبعد لما تدفع ابقى ادينى الوصل علشان اسجل الرقم بتاعه

انا: طيب

روحت دفعت و بعدين رجعت له تانى علشان يسجل رقم الوصل

انا: طيب دلوقتى فى حاجة تانية اعملها

هو: لأ

انا: طيب الدى اس ال حايشتغل امتى

هو: على بالليل كده او كمان ساعتين ( مافهمتش ايه العلاقة بس حسيت كده ان ولا كلمة من اللى قالها بخصوص الدى اس ال مضبوطة

انا (مغلوب على امرى ) : طيب

و عايز فعلا اقول انى احساسى كان مضبوط و لما رجعت البيت الساعة 10 لقيت فعلا الدى اس ال لسه مش شغال فطبعا رحت اتصلت بخدمة الخرة تانى

انا: الو ايوة لو سمحت انا عندى مشكلة فى الدى اس ال

هو: رقم التليفون

انا : ........ ( تانى مرة علشان البيه

هو : ايوة يا افندم ايه المشكلة

انا : دفعت النهاردة فاتورة 3 اشهر و الدى اس ال قالولى انه حايشتغل النهاردة

هو: هى حضرتك ما ظهرش عندى الفاتورة حاتظهر عندى بعد 3 ايام

انا : مش فاهم هو مش المفروض ان برضه اللى فى خدمة العملاء هناك برضة يعرف الموضوع ده

هو: ايوة ياافندم بس انا ما ظهرتش عندى بس فى حلين للموضوع ده الاول انك تستنى ثلاث ايام ( احة اعتراضية غير مسموعة او مرئية) و التانى انك تصور لى الفاتورة و تبعتها على الميل او الفاكس

انا:طيب انا ماعنديش اسكانر

هو: مش مشكلة اى كاميرا

انا : طيب

نزلت ادور على سايبرمش فاكر اسمه باين حمادة ابح ولا حمادة يلعب عنده اسكانر ما لقيتش و رحت مركز اتصالات اسمه باين عباد الرحمن و لا نور الهدى و لا حاجة زى دى سألته على فاكس مالقيتش

رجعت البيت بخفى حنين و بعدين قلت طيب احاول اصورها بال ويب كام

صورتها كذا صورة و بعدين بعتها على الايميل و اتصلت بخدمة الخرة تانى

انا: انا بعت صورة الفاتورة

هو: ايوة انا شفتها هو حضرتك دول كذا فاتورة

انا: لأ هى الفاتورة نفسها بس علشان تشوف الارقام اللى فيها مضبوط

هو : ايوة بس حضرتك دول 315 المفروض فى باقى ( باقى شهر 6 ) بس هما دول ممكن يشغلوا الدى اس ال

انا : ما انا قلت له فى مركز الميرغنى ان شهر 6 ماكانش فى دى اس ال شغال فقال لى حاتدفع 30 جنيه

هو: يمكن تظهر عندى فى النظام كمان ثلاث ايام ( غالبا بيستخدموا الحمام الزاجل ) لو ماظهرتش عندنا (احيانا فى ناس بتصطاد الحمام الزاجل فا الرسائل ما بتوصلش ) ياريت حضرتك تشرفنا فى مركز خدمة العملاء علشان نحل المشكلة دى ( يادى النيلة

انا: طيب

هو : الخدمة حاتشتغل كمان كده نصف ساعة

انا: شكرا

بس و بعد اللى حصل ده لقيت فعلا الخدمة اشتغلت فى اقل من نصف ساعة ولقيت لينك بعتة لي رسائل علشان استطلاع الاراء و يشوفوا ايه رأى العملاء فى الخدمة

كل اللى اقدر اقوله عن استطلاع الاراء ان كان فيه سؤال بيقول : هل ترشح خدمة لينك دى اس ال للأخرين كان نفسى ابصم على كلمة لأ و بصمة عشر اصابع اليد و فوقيهم اصابع القدم كمان

ابو اللى جاب ابو الفرى لانس

موضوع النهاردة عن حاجة معظم الناس بيبقى نفسها انها تعملها علشان تزود دخلها وهى فعلا بتزود الدخل
يعنى مثلا ممكن تقبض مرتب شهر فى اسبوع وحاجات كده و ده بيعتمد على نوع الشغل بتاعك

التسمية هى "فرى لانس" يعنى انت كده بتشتغل فى وقت الفراغ بتاعك وعادة بيبقى الحساب بالقطعة
بس المشكلة هنا ان الفرى لانس مش بييجى فى وقت الفراغ, لأ بيجيى وقت اما بتبقى مشغول بالضبط و غرقان حتى اذنك فى الشغل

واللى يضايقك انك بتحاول تمسك العصاية من النص و توازن ما بين الاثنين بس مش بيحصل للأسف و لازم كفة تتقل عن الكفة التانية

و على رأى المثل " صاحب بالين كداب

بس انا فعلا كنت عايز ابقى صاحب بالين و انا متأكد انى كنت حاعرف ابقى صاحب بالين بس للاسف زى ما قلت فوق
"فى كفة استفزتنى انى ارجح الكافة التانية" و هو ده اللى حصل

امبارح انا كنت فى بيت واحد كان زميلى فى شغل و كنا بنشتغل فى مشاريع طلبة هندسة قسم عمارة وكنت كل يوم باأبات عند الاخ و اصحى تانى يوم اروح الشغل و ارجع عنده علشان اكمل

لغاية امبارح حصل الحوار التالى قبل ما نقول حتى بسم الله الرحمن الرحيم (هو مش بالترتيب بالضبط و فى حاجات انا ما كتبتهاش بس مش حا تأثر على الاحداث )

هو : يا "ر" احنا عايزين نخلص التاسك اللى ورانا دى و لازم تخلص النهاردة

انا : ان شاء الله يا "ن" تخلص النهاردة ربنا يسهل

هو: طبعا ماانا عارف انه ان شاء الله بس
ايوة هنا بقى ابتدينا الكلام اللى ينرفز اول ما تسمع "ان شاء الله بس" دى تعرف ان الكلام اللى بعد بس مش ظريف

تكلمة بس : بس انت يا "ر" امبارح جيت متأخر و ماعملتش التاسك اللى عليك و جيت نمت انت امبارح ما عملتش حاجة و اشتغلت كام ساعة امبارح ؟

انا : اشتغلت 3 ساعات قبل ما انام و 2 بعد اما قمت من النوم

هو : ياسلام 2 بعد ما قمت من النوم ؟

انا : ايوة من الساعة ستة و ربع لغاية الساعة تمانية و ربع

هو: طيب انت عارف اننا مش بنشتغل بالساعات و اننا بنشتغل بالتاسك

انا :ايوة بس سؤالك ما كانش كده

هو: انت امبارح جيت متأخر و النهاردة انت جاى متأخر و كل اللى علمته امبارح انك نمت و دلوقتى احنا متأخرين

انا : انت فيه يوم اجلته علشان كنت مع البنت علشان تسلم المشروع بتاعها

انا: و انت عارف انى باشتغل و ظروف الشغل بتاعى اتغيرت ..... صاحب الشغل طلب من حاجات و انا ما ينفعش انى اقول له معلش اصل عندى شغلانة برة لازم اروح اخلصها
ظروفى اتغيرت

هو(بنرفزة وزعيق): اسمع بقى انت قاعد طول الوقت بتتكلم و مش سايبنى اتكلم

انا : بالراحة يابنى عروقك بتفط بالراحة و ما تزعقش.....اتفضل اتكلم

هو:ايوة بس زى ما هو ليه حق عليك انا كمان ليا حق عليك
( ابتدينا بقى فى موضوع يأنا يا هو )

انا : اسمع انا حاقولك حاجة حلوة .... احنا عملنا مشروع واحد من تلاتة صح

هو : صح

انا: طيب الشغلانة اللى انا بأشتغلها دى انا خدت فلوسها ؟

هو(بنرفزة) : احنا ما اتفقنا انى حاديلك الفلوس مرة واحدة بعد ما نخلص

انا : رد على بأه او لأ

هو(بنرفزة): انت يابنى فاكرنى حاكل عليك حقك و احنا ما اتفقناش على كده

انا : رد علي

هو : لأ

انا : طيب انا حاديلك ملفات الحاجات اللى عملتها فى الشغلانة دى و مش عايز حقها ياعم اعتبرها منى هدية و عايز حق الشغلانة اللى خلصت

هو(بنرفزة): احنا ما اتفقناش على كده احنا اتفقنا على انك تخلص التلات مشاريع و لو انت عايز فلوس
( خرج برة الاوضة و دخل معاه فلوس

انا : مش حكاية كده بس انا خلاص مش حاينفع اشتغل بالطريقة دى

هو(بنرفزة): انا جايبك علشان انت محترف و قلت ليك جيب اللاب توب بتاعك جيب قعدت تقول عايز ماوس و كى بورد

انا : انا ياعم لا محترف و زفت

هو(بنرفزة) : معلش بقى يا "ر" انت لو مشيت دلوقتى يبقى سورى

انا :يا عم انا مش قد المسئولية

هو سمع التليفون بتاعه بيرن و قال : ثانية و احدة و الدتى عايزانى

دخل و كان هادى شوية و قال : ها انت وصلت لأيه

انا: بص يا "ن" انا مش قد المسئولية و علشان كده انا حامشى قبل ما اى حاجة تحصل و ما تلحقش تسلم المشاريع والملفات بتاعت المشروع التانى اهى و اعتبرها منى اعتذار للخطأ اللى حصل

هو : ربنا يوفقك (هى زى ربنا يخرب بيتك بس بطريقة غير مباشرة ) و معلش اذا كنت اتعصبت عليك بس ده مستقبل ناس و لازم اننا ناخد بجدية لأن الناس دى مسئوليتنا

انا فى سرى (يابنى انت فاكر انى شغال عندك

انا : ماشى بس فى نقطة اذا كان اصحاب المشاريع دول جايين اخر يومين فى السنة يعملوا المشاريع بتاعتهم يعنى هما اولى مننا بأنهم يهتموا بالمشاريع بتاعتهم و يدولنا المشاريع نخلصها فى و قت معقول مش اكلين نايمين شاربين على المشاريع بتاعتهم اكيد احنا مش حانكون مهتمين بمشاريعهم اكتر منهم

هو: انت مش قبلت يبقى لازم تكون قد المسئولية

انا : يابنى ظروفى اتغيرت انت عايز ايه اكتر من انى كنت باكل و انا ماشى فى الشارع

هو: انا مااكلتش من الصبح

انا : اذا كنت انت قاعد فى بيتك و حالتك صعبة (و انت قاعد فى التكييف و ادام الجهاز بتاعك و اخر حلاوة ) امال انا اعمل ايه و انا برة البيت وبقالى 3 ايام ما غيرتش هدومى

هو : يعنى انت شايف ان هو ده الصح ؟

انا : مش حكاية صح بس فى ظروف طارئة و مش حاقدر اعمل حاجة للأسف و قبل ما تغرق انت ادامك لغاية يوم الجمعة و ادينى بأقول لك من يوم التلات علشان تعمل حسابك ان حد تانى يكمل معاك

هو: طيب انا راضى كده؟

انا : اه انا راضى كده

هو : البنت اللى احنا عملنا ليها المشروع جابت امتياز و طلعت التالتة

انا : طيب كويس

هو : انا عايزك تاخد الخمسين جنية دى مكافأة من البنت ليك

انا: انا حلفت انى مش حاخد حاجة غير حق المشروع اللى خلص و بس

و خلص الحوار على كده و نزلت من المقطم و انا مبسوط قوى ان الحوار خلص على قد كده
انا كنت متأكد انى بأذن الله كنت حاعرف انى اخلص المشروعين التانيين برضة فى الوقت المحدد بس الكلام اللى قالوا
المرة دى ضايقنى و كان فى كلام قاله المرة اللى فاتت بس مش مهم انى اقوله بس انا ما احبش ان حد يركبنى او يتنطط عليا

زميلى اللى فى السعودية قال لى : يابنى ما ترفضش الشغل ده ما دام فيه فلوس و خبرة و حا تتعرف فى السوق و احسن بدل السرتنة فى البيت

بس لو كان كل الشغل الحر كده يبقى السرتنة اسهل و الذ بكتير

:D

موضوع التنطيط بين الشركات

هو بالنسبة لى موضوع مهم جدا و كنت بأتكلم فيه مع واحد زميلى لما رحت الكلية امبارح علشان رسالة الماجيستير بتاعتى

الموضوع ببساطة ان بقالى حوالى سنتين بأشتغل و لغاية دلوقتى اشتغلت فى 3 شركات بتاعت جرافيكس ( و ده اصلا مش المجال بتاعى ) وعايز اروح مكان تانى و ده لأسباب معنوية و الاسباب المعنوية بتختلف من شركة للتانية

يعنى مثلا الشركة الاولانية صاحبها كان بيأخر المرتبات لغاية يوم 20 الشهر اللى بعديه و خلى الاجازة مدفوعة الاجر 10 ايام بدل ما كانت 15 يوم و ده و انا اخد الاجازة بتاعتى وكلام كده زى ان ساعة التأخير بساعتين و ساعة الاوفر تايم بساعة و نصف و الكراسى متكسرة و الاجهزة طلعان عينها و الذى منه

الشركة التانية كانت عبارة عن اتنين كانوا بيشتغلوا معايا فى الشركة الاولانية و برضة كانوا متضايقين من الوضع فا قرروا انهم يعملوا شركة ليهم بس على ما يبدو ان واحد منهم شخصية صاحب الشركة الاولانية طفحت عليه فا حط عيوبه و عيوب صاحب الشركة الاولى فى شخصيته و عمل شخصية اسوأ من الاثنين

الشركة التالتة بقى كان نفسى اشتغل فيها من زمان بس انا كنت بأسمع ان صاحبها مش بيرضى بأى حد فا لحفظ ماء الوجه ما حاولتش انى ابعت "السى فى " بتاعت ليه بس لما صاحب الشركة التالتة عرف انى حاسيب الشركة التانية كلمنى علشان اقابله وقال لى اننا حنبقى سعداء لو بقيت واحد من الفريق بتاعن (جدير بالذكر ان واحد من الفريق ده كان برضة بيشتغل فى الشركة الاولانية برضة و طفش منها )
بس انا فضلت قاعد بقالى 3 اشهر بأعمل حاجات ما بتدخلش فى المشاريع بتاعتهم و لما اتكلمت مع صاحب الشركة طمنى و قالى احنا بس مشغولين الفترة دى و مش عايزك تقلق خالص و ما يهمكش اى حاجة
اما بالنسبة للشباب اللى قاعدين معايا لاقيت انهم معتبرين انى جاى كده و ماليش اى لازمة لدرجة ان فى واحد منهم قال لصاحب الشركة على المشروع اللى أنا شغال فيه " ده تهريج و انا مش حاسس بأهمية المشروع " انا قررت انى مأتكلمش امام صاحب الشركة و سيبته يرد عليه

نرجع بقى لزميلى اللى كنت بأتكلم معاه فى الكلية

قال لى :"اثبت فى مكان بقى و بلاش تنطيط من شركة للتانية و سيبك من الناس دول " وزميلى ده دفعتى و كان قاعد فى شركة لمدة السنتين اللى فاتوا لغاية ما الشركة قفلت

قلت له : انا خلاص شايف ان موضوع الجرافيكس فى مصر موضوع يقرف اى نعم هو بيجيب فلوس كتير بس تعب نفسى

قال لى : احسن انك تفكر فى الشغل بدل ما تقعد تفكر فى الحياة و قرفها

انا: انا ناوى انى اكمل الماجيستير بتاعتى و بعدين الدكتوراه و اكمل فى المجال الاكاديمى (مجال علوم الحاسب )

هو:بس الفلوس حاتبقى قليلة

انا: حابقى احاول اسافر برة

هو: ولغاية ما تاخد الدكتوراة ؟

انا : حاكل *** ما فيش حل غير كده

هو: متأكد انك حاتقدر تستحمل و تأكل *** ( وبص كده بصة مكر كده معناها انى مش حاقدر استحمل

انا : مش عارف اذا كنت حاقدر استحمل ولا لأ

ووصلنا لأستناج مفهوم غير مسموع انى حاوصل لدرجة و حاخد بعضى و امشى و مش حاستحمل

فترة من السعادة

انا مش مصدق نفسى

بقالى يوم (من امبارح اول ما صحيت) لغاية هذه اللحظة وانا مبسوط ... فعلا انا مش مصدق نفسى
امبارح انا كنت مرهق جدا لدرجة انى مش قادر افكر او افتكر حاجة تضايقنى على عكس الاسبوع اللى فات كنت بافكر فى حاجات كتير و متضايق من بنى ادمين كتير (يعنى تقريبا كل البنى ادمين اللى حواليا) بس لاقيت انه على الرغم انى مرهق جسديا الا انه كنت مرتاح نفسيا لفترة و السبب انى تقريبا نسيت كل حاجة و مش قادر افتكر غير اللحظة اللى انا عايشها

و تقريبا دماغى اخدت على كده وانا النهاردة مرتاح نفسيا و جسديا و مبسوط .... تلاتة فى واحد برت بلاس قاهر القشرة

كنت زمان بأتكلم عن ان الالم النفسى اشد بكتير من الالم الجسدى .... بس الكلام ده كان نظرى و دلوقتى بقى الكلام عملى و فعلا الكلام ده مضبوط

شئ جميل جدا انك ما تفكرش فى المستقبل (طبعا بجرعة مضبوطة مش زيادة عن اللزوم ) و انك تنسى الماضى ( يعنى يفضل الحاجات الوحشة بس علشان انا مش قادر اقول قد ايه انك لما تفتكر الحاجات الحلوة اللى فى الماضى بيبقى ليك نفس انك تكمل فى المستقبل بنفس ) صدقنى

و اهم حاجة من الثلاثة هو الحاضر ...... خليك معاه على طول الخط علشان ده الحاجة اللى في ايدك تغيرها على عكس المستقبل و الماضى و انا حاسس انى كنت سايب للماضى المقرف مساحة اكبر من الحاضر و المستقبل لدرجة انى كنت اسير فيه مش عارف اتحرك حبة للأمام

زميلى اللى فى السعودية قال لى حاجة حلوة قوى " الدنيا دى غريبة قوى بتشوف ايه اكتر حاجة انت بتكرهها و مش عايزها تحصل و بتجبهالك ملفوفة فى هدية "وده طبعا قمة الحلاوة

على العموم انا حاسس ان عقلى لقى ملجأ للراحة اخيرا و لو كان مؤقتا من القرف و الهبل و الجنان اللى هو كان عايش فيه و نسى شوية كأنه واخد استراحة من شوط و مستعد للشوط التانى

وانا حاسس ان الشوط الثانى حيبقى جامد جدا

فلترة البنى ادميين

الموضوع ده كنت اتكلمت فى انا وواحد صاحبى (هو النهاردة سافر السعودية علشان يكون نفسه وكده يعنى) من فترة كده يعنى يجى سنة ولا حاجة

الحكاية هى "فلترة البنى ادميين" او تعلم عليهم بالمصطلحات الشبابية العامة

بكل بساطة ان فى فترة كده انت بتبقى تعبت من شرح وجهة نظرك و مش محتاج انك تفهم حد الكلام اللى انت بتقوله معناه ايه و خصوصا انه بيفهم الكلام من الجانب السيئ فقط وسواء ان فهم او ما فهمش بتبقى قرفان انك تبص فى وشه

او مثلا فى بنى ادم عرفته عن طريق واحد تانى و البنى ادم الواطى ده يفضل يجيب فى سيرتك طول القعدة ويقول كلام عليك و يقعد يتريأ عليك فى كل كلمة بتقولها و انت ساكت و عامل اعتبار لصاحبك بس وصلت لدرجة انه كفاية بقى و خصوصا ان صاحبك ده خلاص قرب يسافر فا مابقاش فى داعى انك تسمع كلام يقرفك تانى

او واحدة بايرة اتحسبت عليك انسانة انت حاولت انك تساعدها فى شغلها و دايما بتسألك على حاجات المفروض انها تعرفها لأن ده شغلها وبعد كده تكون انسانة ناكرة للجميل

فى حاجة كمان اكتشفتها قريب : انك برضة لو تقدر تفلتر اهلك برضة يبقى يا حبذا و خصوصا لما يبقى ليك اخ افتكر ان الرجولة بالعضلات و انه كل ما عضلاتك كبرت صوتك يعلى

او اختك يوم لما بتبقى اجازة و نفسك تتفرج على التليفزيون كل شوية تطلب منك انك تحول على الفيلم علشان هى بقى لها 500 مرة اتفرجت عليه و نفسها تتفرج عليه كمان مرة و لما تقول لأ تعيط و امك تقول لك ان اختك بتكره اليوم اللى انت بتاخد فيه اجازة علشان مش بتعرف تتفرج على التليفزيون

حسيت انى بقيت بالنسبة لأختى زى ابويا : باخنق عليها فى حياتها و لما اطلب منها حاجة تعملها و انا موجود و متعملهاش و انا مش موجود

ده خلانى انتبه لحاجة مهمة جدا : ان البنت دى و انا عندى 23 سنة وهى عندها 8 سنين عندنا مشاكل مع بعض و المشاكل دى ممكن تكبر جدا لما يبقى سنها مثلا 22 او 23 سنة و انا يبقى عندى مثلا 37 او 38 سنة وهى انها نفسها تتجوز واحد ابن كلب و انا مثلا مش موافق
ياترى هى ساعتها حاتعيط برضة ولا حاتتزوجه عرفى ...... الله اعلم

بس انا في حاجة انا عارف انها ممكن تفرقنى قوى بينى و ما بين والدى وهى انه هو اللى اختار انه يعمل عيلة و بعدين قرر انه يبقى زى اى جبان انه يتخلى عنها

بس انا ما اخترتش اى حد فيهم يعنى الست اللى بأسمع كلام زفر من فمها وما بتفهمش دى ما اخترتهاش والدتى او سى السيد اللى شاطر انه يتفرج على الستات الوسخة و يتكلم معاهم و يصاحبهم ودايما يرمى غلطاته على اللى حواليه و حلو قوى عنده انه يرمى فلوسه فى الرشوة عن انه يصرف على ولاده هو كمان ما اخترتهوش انه يبقى والدى

و لا اخويا اللى كل همه انه يأكل علشان عضلاته تكبر و يبقى بطل فى كمال الاجسام و العضلة الوحيدة المهمة اللى بتفرق ما بين البنى ادم والحيوان بتضمر عنده و مالهاش عنده تمارين

و الاخت المنافقة من صغر سنها و ده يديلها طبعا شهادة خبرة فى النفاق منذ سن 8 سنين او اكتر شوية
انا فى موقف انى بأضحى بحاجات مهمة بالنسبة لى فى سبيل الناس دول بس لاقيت ان ما ينفعش ان اضحى علشان ناس ما يستاهلوش

كفاية قرف

الناس دول عاملين زى اى حاجة فى الدنيا ليهم فوائد و ليهم اضرار بس زى الخمرة و القمار اضرارهم اكتر من فوايدهم

فا فى ستين الف داهية

الناس دول كلهم انا ما اخترتش انى اعرفهم بس انا كان نفسى انى اعرف ناس احسن منهم بشوية
هل اللى انا بأطلبه ده كتير ؟ مش عارف

انا عارف انه فيه أسوأ ...... ماشى بس ليه ؟ ايه الفكرة ان البنى ادم يبقى أسوأ مش احسن

انا ما قلتش انى كامل و انى ما فيش فيا حاجة وحشة بس انا برضة مش عايز حاجة من حد و عايز الناس تسيبنى فى حالى و اعيش لوحدى احسن لأن تجربة الارتباط دى عواقبها وخيمة وانا مش عايز اعمل زى والدى الجبان المعتوه اللى طرد اهله من بيته

و المسئولية و الكلام الحمضان اللى بالشكل ده عبارة عن قناع لشئ اخر اسمه القرف اللى لا مفر منه لأنك لو لاقيت مفر يبقى انت بنى ادم غير قادر على تحمل المسؤلية

يعنى لما بنت تتبجح كده و تتكلم على واحد جه يتقدم ليها تقول " اصل بابا رفضه لأنه شاف انه مش حايقدر يتحمل مسؤليتى" ممكن نحط بدالها كلمة " قرفى " ....... ساعتها تبقى الجملة منطقية

لأن المسئولية معناها :انك تستحمل ناس تقرفك فى عيشتك طول عمرك و ما تقولش كفاية
مش اكتر

فى اوقات مرت عليا كنت عايش لوحدى كانت احسن بكتير من انى مخنوق فى بيتى مع 3 بنى ادميين ما يفهموش معنى الخصوصية و امتى يتكلموا و امتى يسكتوا

حاسس ان المصريين بقوا عاملين زى منتجاتهم اللى هى سلعة رديئة وسعرها غالى على الفاضى

ما اعرفش اذا كان المصريين بس هما اللى دلوقتى بقوا كده بس و لا كل البنى ادميين اللى على الكرة الارضية

بنت و عليها ثلاثة هدية

حوار حصل ما بينى انا وواحد زميلى

هو : يابنى الطلب زاد على صنف الرجالة و البنات بيقدموا عروض بالهبل

انا: هو احنا بيقنا بضاعة طيب ينفع اخد بنتين و عليهم واحدة هدية

هو : طبعا بس لو لاقيت قل لى و انا حادور فى كارفور المعادى و اسبينيز

انا : فى فكرة فى دماغى . لو كل واحدة ليها ثلاث صاحبات قوى اول ما بتلاقى عريس م بتعرفهمش ليه ما يبقاش مشروع قومى مشترك كبير قوى يبقى هو يتزوجها هى و ثلاث صديقاتها

هو : قشطة ماهو صاحباتها طول النهار مع بعض .... مش فارقة كتير

انا : قشطة يبقى ما زعلناش حد

هو: بس انت بقى حاتجيب شقة 12 اوضة منين

انا : مش عارف بس فى حاجة فى دماغى

هو : ممكن تعمل مزرعة

انا : تبقى كل واحدة ليها دور وفى اوضة ليك لوحدك و تدخلها و تانى يوم تخرجها من الاوضة دى

هو : قشطة يعنى اوضة الشغل

انا : اوضة المشروع

هو : ده مشروع عظيم

انا : بس و بكده يبقى انت بس مش عايز غير ثلاث اوض , اوضة ليك , و اوضة للفراخ , و اوضة للاولاد

هو : معمل تفريخ العيال , طيب ما نعمل اعلان فى الوسيط

انا : وليه لأ

هو: و نشوف رد الفعل

انا : قشطة و بما انهم اصحاب ما مش حايزعلوا وحيفضلوا طول الوقت بوزهم فى بوز بعض

هو : و عايزين نعمل ايميل للرد عليه

انا : اعمل ايميل على الجي ميل و يا حبذا لو كانوا بيشتغلوا

هو : ده شرط يابنى

انا : زى فيلم محمود عبد العزيز بس العصمة فى ايدك يا حلو

هو : بس احنا لازم نكون بنقبض اكتر منهم

انا : نقبض اكتر منهم ولا لأ مش مشكلة . انت بتصرف على البيت على قد مرتبك. عايزين هما يحطوا حاجة فى البيت براحتهم . انما هما مسئولين منك فى الاكل و دايما لازم تجيب عروض من السوبر ماركت زى مترو مثلا او سبينيز يعنى بد كيس الشيبسى الصغير تجيب عائلى

هو : علشان تكفى

انا: بالضبط, و بدل صابونة.... دستة صابون و كارتونة بيبسى و هكذا

هو : اهم حاجة الصابون علشان الزفلطة

انا : يابنى ده احسن مشروع عملناه من ساعة لما دخلنا الكلية و لا تقول لى مشروع تخرج و لا بتاع

هو : ايه رأيك نبدأ نعلن عنه فى الكلية

انا : قشطة بما ان نسبة الفراخ بتكتر فى الكلية نعمل مشروع داجن فى الكلية و نعمل اوضة للمقابلات ويأما تاخد البت بصاحبتها يابلاش

هو : ده الشرط الاساسى

انا :علشان افرض انك اخترت بنات مش بيطيقوا بعض حترجع البيت حتلاقى فى اطباق سفرة تطير فى الهواء

هو: لأ ماهو فى 3 اشهر اختبار

انا : ما ينفعش يبقى فى تدريب يا حلو يا اما صاحباتها يا بلاش و بعدين العمر ما فيهوش 3 اشهر علشان تجرب كل مجموعة على حدة. ممكن تعمل لك جدول مقابلات طول اليوم

هو : طيب نعمل اختبار اتش ار جامد فى الاول و نجيب ناس متخصصة

انا : لو جبت واحدة من الاتش ار يبقى مش حاتتجوز غير البت بتاعت الاتش ار, و حاتقول لك انا الاتش ار يا حلو يعنى انا لوحدى يا بلاش

انتهى الحوار و لا اعرف اذا كان له جزء ثانى ام لا و لو كان له يبقى ممكن يكون:

" وضع اسئلة المقابلة ....لمعمل تفريخ العيال الداجنة "

و شكرا

حال كل المصريين .... زى حالى و العكس صحيح

النهاردة و انا جاى الشغل عديت على النصب التذكارى بتاع حرب اكتوبر

قعدت يجي ثانية كده ابحلق فيه كده هو والصورة اللى الظاهر انهم صوروها من البانوراما و حطوها ورا النصب التذكارى و افتكر حرب اكتوبر

طبعا انا ما حضرتهاش لأنها كانت قبل ما اتولد ب 10 سنين و حتى لو كنت اتولدت ساعتها ما كنت حافتكرها بس ما علينا

طبعا اباءنا اللى حضروا حرب اكتوبر بيقعدوا يمجدوا فى نفسهم لأنهم كسبوا الحرب و الاسرائليين ولاد الابالسة اللى هما كانوا مطلعين اشاعات انهم مخلدين و مش بينزفوا و ان حصن او خط بارليف هو خط مالوش ولا نقطة ضعف ( و ده طبعا ما فيش بنى ادم بيفهم ممكن يصدقوا ببساطة لان اللى صعنهه مش خالى من الكوليسترول ... اسف اقصد خالى من العيوب )

بس اباءنا طبعا صدقوا وزى ما ناس كتير دلوقتى موجودة عندها عقدة الخواجة و بيحسوا ان الاجانب اتخلقوا من طينة و احنا من طينة تانية لا يمكن الطينتين يتساووا ... ده خلى عندهم احساس بأنهم عملوا اعجاز بأنهم هزموا ناس ما يتهزموش ولا بعد الف سنة لأنهم يعتبروا ألهة الحرب فى العصر الحديث

و بعدين جه موضوع الثغرة اللى كل الناس مش عارفة ايه هو بس كل اللى يعرفوه ان دورها ان اسرائيل ابتدت تظبط نفسها و كان ممكن انها تقلب ترابيزة الحرب بالمشاريب اللى عليها على المصريين و يعتبر الانتصار عبارة عن وهم

جه عمو السادات قال انا مستعد احط ايدى فى ايد الشيطان لو كان ده فى مصلحة بلدى ..... و بالفعل هو ده اللى عمله عمو السادات و هو انه لما كان عبد الناصر حاطط ايده فى ايد الشيطان الاحمر و هو الاتحاد السوفييتى قام مات و هو ايده فى ايد الاتحاد السوفيتتى و قبل ما السلام يبرد راح السادات شايل ايد عبد الناصر و حاطط ايده بدالها وبعدين لما جت حرب اكتوبر راح حاطط ايده فى ايد الشيطان المقلم اللى اسمه الولايات المتحدة و قطع ايد السوفييت و كانت جزاته ان واحد سلم عليه برصاصة خلته ينزف لحد ما يموت.... المهم

طبعا عمو عبد الناصر و تحتيه الشيطان الاحمر

ده بقى عمو السادات و تحتيه علامة الشيطان المقلم

اللى انا وصلت له و انا فى الثانية اللى بصيت فيها على النصب التذكارى ان حرب اكتوبر دى هى الحال بتاعنا دلوقتى و هو اننا دايما عمرنا ما بنوصل لدرجة اتقان عالية تخلينا ما نعتمدش على حد بس بنقول " احنا فضلنا قاعدين لحد النهاردة مطبقين والحمد لله ان الشغل العملاء قبلوه .... بس احنا لو كنا اخدنا وقت اكتر شوية كنا ممكن نعمل احسن من كده " و الجملة دى باسمعها من كل الناس فى جميع انواع الشغلانات اللى ممكن البنى ادمين يشغتلوها و اللى هما مش بنى ادمين برضه

فا وجه التشابه الاول اننا كنا على وشك اننا نعمل فعلا حاجة ما حصلتش بس اكتفينا بأننا نقول ان لولا الثغرة كنا كسبناهم و اننا نرمى اللوم على حاجة كانت لازم تتحط فى الحسبان و ان القيادة السيئة مش لازم تتبع فى كل الاوقات و في اوقات لازم احنا اللى نأخذ القرار بنفسنا

وجه التشابه الثانى هو اننا قعدنا بعد حرب اكتوبر لغاية دلوقتى ماعملناش حاجة تذكر و فضلنا مأنتخين على المؤخرات بتاعتنا و فخدنا على رأى المصطلحات الشبابية اللى احنا اخترعناها فى وقت الانتخة و رضينا بأننا نفضل حا طين ايدنا فى ايد الشيطان المقلم و قاعدين نقول احنا مش اده فى الوقت اللى فى بلاد كتير قالت له لأ و البلاد دى بتشكل خطر على الشيطان المقلم كل ما بيزيد عددها و الامثلة كتير فا ميش فايدة من انى اكتبها

انا متخيل ان السادة القراء تاهوا و ما فهموش ايه وجه التشابه بس لما تقرأوا الباقى حا تفهموا

و البلاد دى تطورت كتير فى الوقت اللى احنا فضلنا مفخدين فيه و كلنا عندنا نوع من الرضا النفسى اننا لو اتحركنا و قمنا من الانتخة دى هوب حانبقى فى مستوى البلاد اللى ازدهرت دى ده لأننا مصريين و المصريين هما احسن شعب و كلام من ده و ...... الخ , الخ

و اللى احنا وصلنا له حاليا من وضع الانتخة المريح ده اننا عندنا اكثر من 48 فى المائة فقراء و زيادة البطالة و طبعا حانرمى اللوم على الناس اللى قاعدة تخلف زى الارانب و حانقول ان زيادة السكان هى المشكلة متجاهلين الصين و الهند و اعدادهم المهولة و حنتجاهل تانى انهم متطورين علميا و من اقوى الشعوب حاليا

و زيادة السيارات اللى المفروض ان لو لقوا حد واقف صف تانى ( مع اعتذار لاصحابى اللى عندهم سيارات بس هو ده اللى لابد منه ) يأما ياخدوا سياراته يأما يعملوا اى حاجة فيه

ولو كان في سيارة عطلانة فوق كبرى اللى هو المفرض عملوه علشان يحل ازمة المرور و اصبح صاحب السيارة العطلانة هو السبب فى عطلة بقيت البنى ادميين اللى فوق الكبرى انهم يرموا سيارته من فوق الكبرى

و زيادة العقد النفسية اللى عاملين ليها اعلانات فى الشارع " المرض النفسى زى اي مرض له اعراضه و علاجه " و نسينا ان اعلان زى ده ماكنش لو وجود من فترة قريبة

و ان الامراض النفسية ولدت ضباط شرطة ساديين و بنات معقدة نفسيا و البنت من دول بتوصل لسن بيدولها لقب عانس علشان يبقى عقدها النفسية رسمية و مسموح ليها بانها تعمل ايه حاجة لأن الاسم اعتمد بشهادات رسمية

وفى بنات تانية بيبقى نفسها تتجوز اى بنى ادم المهم انه ينشلها من الفقر و اليأس و الهم و لما تلاقى انها خلاص المشاكل دى اصبحت فى طى النسيان و انها شبعت اكل و اغتنت تبتدى تطور المشاكل بتاعتها وهى انها تبتدى تدور على الحب اللى هو واحد فقير بيعرف يديه ببلاش و تصبح الخيانة موضوع شرعى لأن المرأة معذورة ووصلت لمرحلة انها ما تعرفش لا تستغنى عن الطفح و لا عن الحب

و ان فى شباب كتير قاعد يحشش من الاكتئاب و اليأس بسبب البطالة يأما بسبب الزواج اللى مايقدرش عليه فا يأما يقضيها
زنا على رأى و احد صاحبى يأما يتزوج عرفى يعنى برضة الموضوع حرام فى حرام

و الشباب اللى بيسافر علشان يهرب و يلاقى ان بقيت الشعوب و الاجناس اللى حواليه بتحتقره و مش بتحترمه و بتعامله اسوأ معاملة لأنه ببساطة ..... مصرى

و ان في شباب زى مثلا بقوا مخنوقين من كل اللى حواليهم و نفسهم انهم يهدوا المعبد عليهم و على اللى حواليهم لأنهم سبب فى معاناتهم واصبح موضوع هد المعبد ده مسألة وقت مش اكتر وان التوقيت المناسب هنا هو ازاى انه يهد المعبد على اكتر عدد من الناس اللى حواليه و ان مهم بالنسبة له انه ينتقم من الناس الى قرفوه فى عيشته حتى لو كانوا اقرب الناس ليه

ويا جماعة لازم تفكروا ان اللى بتزرعوه لازم فى يوم تحصدوه

What goes around, comes around

المهم انكم دايما لازم تفكروا ان النصب التذكارى هو رمز للأنتخة و أن النصب التذكارى عبارة عن واحد حاطط ايديه و
رجليه على الارض و قاعد بيتشمس

و شكرا

ايديال او الخراب المستعجل و قصص اخرى

الناس دلوقتى بقت ما بتشتريش الحاجة من غير الضمان

الضمان ده ما كانش حاجة متوفرة بكترة زمان وده لأن الناس كان عندهم ضمير فى الحاجة اللى هما بيبيعوها بس على ما يبدو ان البائعين تعبوا من الموضوع بتاع الضمير ده و قرروا انهم ينهوا المسألة دى بموضوع الضمان

و الضمان عندنا فى مصر بأختصار : انى اضمن لك ان الحاجة اللى انت تشتريها مش بتشتغل بس احنا طول فترة الضمان بنوعدك اننا نفضل نصلح فيها ( او فى بعض الاحيان ناخدها و نديك حاجة اسوأ منها ) لغاية بعد ما فترة الضمان تخلص ساعتها يفضل انك ترميها فى الزبالة و تجيب حاجة تانية بدالها علشان لو انت حاولت تصلحها بعد الضمان حاتدفع تقريبا نصف ثمن الجديدة تقريبا

و الكلام ده انا مش بأجيبه من عندى لأنى قاعد فى شقة مفروشة ( وليه .... دى حكاية يطول شرحها) .... المهم احنا لاقينا ان الثلاجة الجامدة جدا اللى اسمها ايديال بطلت الشغلانة اللى الناس اصحاب الشقة المفروشة جابوها علشانها وهى انها تتلج الحاجة اللى فيها

فا كلمنا الناس بتوع الثلاجة قالوا لينا " احنا ما لناش فيه" الضمان بتاعكم خلص و لازم تغيروا الهيكل بتاع الثلاجة كله " والدتى سألت طيب ده يتغير بكام قالوا ب 800 جند فقط لا غير ( طبعا و ما تنساش الشاى والاصتباحة والذى منه) فا لما والدتى قالت لى الكلام ده قلت ليها طيب و ليه العذاب ده نحط على الفلوس دى كمان 800 جنيه و نشترى ضمان بالثلاجة بتاعته و نرمى الثلاجة دى فى وش اللى جابوهم علشان احنا ايه اللى يضمن لينا ان الثلاجة بعد ما يندفع فيها 800 ما تفضشل عطلانة (قبل كده عملت نفس الحركة و جه واحد قال عايزة تتشحن فريون و بعديها بأسبوعين او شهر اتنيلت تانى ) و يدفعونا كمان 800 جنيه و"هكذا" على رأى ريكو

فا لاقينا و سيلة اننا ننقذ نفسنا من الخراب المستعجل وهى اننا نسرق الحرامية اللى عايزين يسرقونا بأننا نعمل فاتورة ( وده بناء على تعليمات واحد من بتوع الصيانة اللى جه علشان يعاين الزبالة .... اللى هى الثلاجة بعد ما اصبحت مقلب للزبالة ) و الفاتورة دى تكون فى وقت قبل ما الضمان ما يخلص علشان تتصلح ببلاش

و لما قلنا ليهم احنا خلاص عملناها ما بصوش فى الفاتورة و اخدوا الثلاجة و صلحوها و رجعوها بعديها بيومين

طبعا كل اللى اقدر اقوله لأصدقائى انهم دلوقتى قبل ما حد ينزل يشترى حاجة علشان نفسه يتجوز ولا حاجة زى كده بأقول له اشترى الضمان الاول مش الحاجة علشان ده اللى ماشى دلوقتى فى السوق

حكاية الكومبو اللى انتى مش لازم تأكليه وانا أكله لأنى بحبه

فى اعلان عن ماكدونالدز عجبنى جدا ( فى ناس ممكن تقول ده لأنك متحيز للولاد ضد البنات و جايز يكون ده فيه شئ من الحقيقة فى الحقيقة ) و باختصار

الاعلان بيتكلم عن واحد بيحب واحدة قوى و بيعمل المستحيل علشانها لغاية لما دخلوا ماكدونالدز والبنت قررت انها تأكل من الكومبو بتاع الولد

ساعتها الولد قام بالدفاع عن وجبته المفضلة ووقع البنت من على الكرس بعد ما داست على رجله بالجزمة بتاعتها

فا البنت لاقيت ان شلكها بقى زبالة فاراحت قامت سايبة الولد باستهزاء قام هو برضة عمل حركة برأسه بتدل على قرفه منها

و بعد ما حكيت الاعلان بسرعة احب اقول وجهة نظرى ( اللى هى كالعادة مختلفة عن الاخريين وهذا بشهادة الكل) و هى

ان احنا (الولاد) بنعمل حاجات كتير للبنات بس ده مش كفاية بالنسبة ليهم لازم البنت يبقى ليها السيطرة الكاملة على الولد يأما تسيبه وهو ده اللى عجبنى فى الاعلان ان فى حاجات لازم البنت تتقبلها و مش لازم انها تتدخل فيها وان الحاجات دى ليس لها علاقة بمقدار حب الولد ليها يعنى مش علشان فى وقت من الاوقات الولد مش بيقدر يلبى طلباتها يبقى كده هو مش بيحبها

طبعا انا مش بأتكلم عن الكومبو اللى انا بحبه ( بالمناسبة هو كان اسمه " انا احبه" لغاية تقريبا ما عرفوا ان فى واحد صاحبى لقى انها تمشى برضه انا احبه زى اللى فى "ابن الاحبه" فاغيروها له "انا بحبه" بس انا باقول انا ممكن شتيمة تطلع جديدة على ضوء "بحبه" و يبقى "ابن البحبه" ) .... ما علينا

كارت فيزا اليكترون ..... و الرسم الملعون

اللى فوق دى بتاعت بنكى المفضل اللى هو بنك باركليز اللى نفسى اعمل حساب فيه بس مش معايا فلوس

أخيرا عملت كارت فيزا اليكترون ( اصلى بصراحة كان نفسى اعمل كارت فيزا بس ما عرفتش فا قلت ادينى قربت شوية ) .... المهم

الفرق ما بين اليكترون و الفيزا العادية انك محدود بس بالفلوس اللى على الكارت على عكس الفيزا لأنك ممكن ليك انك تسحب فلوس على ضمان الكارت بس فى فترة سماح بتختلف من بنك لبنك علشان تسدد فيها الفلوس اللى دفعتها ( يأما حايشفطوا دمك نقطة نقطة ) ولازم تعرف انك ما تهزرش مع شركة شغلها الاساسى هو الفلوس لأنهم ممكن يأكلوك و انت حى على قرش انت سحبته منهم ... ما علينا

المهم انا اتحذرت من عامل فى البريد المصرى انى لو جربت اعمل كشف حساب حيخصموا منى 5 جنيه
فا طلعت برة مكتب البريد علشان اشوف الفلوس اتحطت فى الكارت لاقيت فعلا فى 200 جنيه فى حساب التوفير و الحساب الجارى 0 جنيه ( طبعا فى فرق ما بين الاثنين وهو تقريبا ان التوفير عليه فائدة بس ما تعرفش تشترى بيه و الجارى ما عليهوش فائدة بس بتعرف تشترى منه

فا انبسطت قوى و روحت البيت واحنا جنبنا بنك مصر قلت لما اجرب الكارت و رحت زى العبيط اجرب الكارت هناك فا طلبت كشف حساب على الحساب الجارى لاقيت الصراف الالى بيقول انى مش حاكمل العمليه دى و نفض لنفسك

قلت طيب لما اجرب حساب التوفير اللى انا حاطط فيه 200 جنيه فراح الصراف سكت حبة كده و بعدين ظهر لى على الشاشة " دلوقتى حسابك بقى 195 جند" حسيت انى حاقع من طولى و فضلت طول اليوم متضايق بسبب الحركة القرعة دى وسألت نفسى " ليه كشف الحساب 5 جنيه لازم تكون الورقة اللى انطبع عليها الكلام ده خامتها غالية قوى" و من ساعتها وانا حاطط الورقة دى فى جيبى علشان افتكر انها اغلى ورقة اشتريتها على مر الزمن و انها بطريقة غير مرئية ذكرى لموقف اتصرفت فيه بغباء و بأوعد نفسى انى ما اكرروش طول عمرى او طول ما الورقة دى معايا

جنيفيرا و لانسلوت و الملك ارثر اللى هما مثلث الحب المدمر

على الرغم من ان الملك ارثر عبارة عن اسطورة ولكن القصة بتاعته هو و زوجته الخائنة جنيفيرا و عشيقها الفارس لانسلوت من فرسان المائدة المستديرة ( فى المائدة المستديرة كلهم زى بعض يعنى ما فيش حد يعتبر رئيس القعدة فا بكده يبقى مقامه فى مقام ارثر ) تعتبر قصة حقيقية ونصادفها فى حياتنا العادية و دائما الست هى اللى معذورة ... ما علينا

القصة بتقول ان ارثر يعتبر مثل للفضيلة و الاخلاق والنبل والعدل و فى فترة كان لازم يسيب بريطانيا علشان كان في مسائل سياسية لازم يحلها و طبعا جنيفيرا كانت برضه مشغولة فى الفترة دى فى مسائل جنسية بحتة لازم هى برضه تحلها
و اكيد مش لوحدها لازم الفارس المقدام لانسلوت اللى هو كان سبب من اسباب انتصار ارثر فى كثير من الحروب يحل المشاكل الجنسية دى و مع مين .... مع امرأة الراجل اللى بيأكله عيش

المهم ارثر رجع البلد وبعدين ما كانش عارف اللى فيها لغاية لما كان فى اجتماع مهم لاحظ فيه تغيب جينيفيرا و برضة لانسلوت

فا لما اتأكد من الموضوع ده قرر انها يحرقها فا طبعا لانسلوت اتدخل و قرر انه ينقذها حتى لو حارب ارثر ذات نفسه


و زى ما انتم عارفين ان فى دايما ضباع فى الغابة مستنية لما الاسد يديلهم ظهره علشان ..... ياللا بلاش قباحة

ببساطة شديدة ارثر دخل فى معركة الناس اللى طمعانين فى جنيفيرا و الحكم وانتهت بموت ارثر بسبب الجروح بتاعته بعد ما ذبح الخائن اللى كان طمعان فى الحكم و اسمه "مورد رد" و دفنوا ارثر فى جزيرة اسمها "افالون" ... كلنا لها

بعد اما الراجل مات يا عينى برضة لانسلوت كان عايز يبوس جنيفيرا فوق جثة ارثر
وشكلها بتقول له بلاش لاحسن يصحى و يحطوا علينا

فى ناس كتير بيقولوا ان خيانة جنيفيرا هى السبب الرئيسى لسقوط المملكة العادلة بتاعت ارثر

الموضوع ده مش بعيد عن الحياة العادية لأنه لاطالما كان النزاع بين البشر على النساء و السلطة و الفلوس

المهم انا حطيت قاعدة علشان اكسب احترامى لنفسى فى المسائل اللى زى دى وهى " انى عمرى ما ادخل فى نزاع بسبب واحدة ضد واحد الا اذا الواحد انتهك القاعدة بتاعتى دى و لازم انى اعرفه القاعدة دى قبل كل حاجة علشان يبقى البادئ هو الاظلم" و ساعتها افقد احترامى لى و بالتالى اقطعه

و فى قواعد كتير قاعد اكتب فى النسخة البيتا بتاعتها و امل منكم انكم تساعدونى فيها

و شكرا

ر

عن الشيبسى....... والهبل المصرى

امبارح كنت مش عارف انام فاخرجت على الصالة وبعدين لمحت كيس شيبسى عائلى على الترابيزة بتاعت الاكل

طبعا انتوا متوقعين ايه من واحد ما عرفش ينام امبارح ؟ اكيد شوية تهييس بس تهييس قى الجون على رأى عامة الشعب (او طبعا اتمنى انه يكون فى الجون مش اوف سايد ولا حاجة من دى اللى متعب و ابو تريكه بيعملوها )

المهم ..... لأقيت الكيس بقى شكله جديد قلت و ماله ماهو كل حاجة لازم يبقى ليها "نيو لوك" بس هل هو ده المطلوب من صاحب شركة شيبسى ؟ انه كل لما يحس ان شوية البطاطس اللى زي الزفت مش بيجيبوا الارباح المتوقعة يقوم يطلب تصميم شكل جديد علشان شيبسى يجيب الربح المطلوب

لاحظت ان ده فيه تشابه كبير جدا ما بينه و مابين حاجات كتير فى مصر من المواطنين و الموظفين و الشركات حتى و طبعا اكبر شركة فى مصر وهى الحكومة ذات نفسها اللى هى شراكة اصيلة ما بين العائلة المالكة و العائلات ذات صلة القرابة للعائلة المالكة لمملكة مصر المباركية

واحنا من زمان قوى بنحب العادات و التقاليد و فيه ناس كتير وصلت لأعلى المراتب فى حب العادات والتقاليد لدرجة انا بصراحة بأسميها "العبادة" لأنهم لغوا حتة الزلابية اللى فى الجمجمة بتاعتهم اللى وظيفتها انها تحلل كل الظواهر و بناء على استنتاجات منطقية بتخلى الانسان يقرر ايه هو اللى غلط و ايه هو الصح

فا نيجى نبص نلاقى ان شيبسى (او يعنى دى اخرحاجة اعرفها ) طول عمره منتج محلى فقط و لا يصدر للخارج وان الناس لسه بتشتريه و بتقدسه واللى نفسى اعرفه ليه منتج ردئ زى ده مثلا ممكن انه يكون منافس ل "برينجلز" مع انه فرق السما من الارض مابين برينجلز و شيبسى على الرغم من انى متأكد ان شيبسى ممكن يوصل بنفس التكاليف لجودة برنجلز لأن برنجلز منتج احنا مستوردينه و طبعا لازم الجمارك تأخد حته من التورتة و تضاعف ثمن البرنجلز مرتين كأنها انتجته مع الشركة المصنعة ليه

طبعا المنافسة هنا مش الجودة المنافسة هنا على السعر يعنى شوف "برنجلز" ثمنه كام و شيبسى ثمنه كام يعنى من الاخر على قد لحافك مد رجليك يعنى ممكن تشترى كيس شيبسى ب 50 قرش و تلاقى فيه قطعة شيبسى واحدة فقط و حجم الكيس خس بقى قد ميكرو كيس شيبسى و بعد كده تجيب معاك ملقاط علشان تعرف تأكل

مشكلة المنتج المصرى انه بيبقى ردئ اكتر و اكتر و ثمنه بيبقى اكتر و اكتر و شكله بيبقى احلى من بره اكتر و اكتر

يعنى شكولاته مورو مثلا بقيت ب جنيه و ربع و لو بصيت على الكيس بتاعها حتلاقيه قد حته الشكولاته اللى جوة مرتين

وواحد كنت بأشتغل عنده قال لى " يابنى هو انت فاكر انك الوحيد اللى بيطبق فى المكتب ده حتى "بيكسار" بيطبقوا" (الشركة اللى عملت "توى استورى" و افلام كارتون كان اخرها "كارز") طبعا فى فرق كبير ما بين ان "بيكسار" تطبق و احنا نطبق ..... بأختصار هما لما بيطبقوا ليهم كل سبل الراحة اللى محتاجينها بينما احنا متوفر لينا كل سبل الشغل يعنى هما بنى ادميين و احنا حمير

فا وصل بينا الدرجة اننا بنتسخدم نفس كلام الناس اللى برة بس التطبيق بتاعنا مختلف تماما فا لما حد يقول لك ان فى ناس برة بيعملوا نفس الحاجة اللى انت بتعملها قول له او حتى قول لنفسك " لما تكون انت زى الناس اللى برة ابقى انا اعمل زيهم"

وبعدين بعد كل ده احنا مطالبين بأننا ندى لمصر حقها لأنها هى اللى علمتنا ببلاش(كأن فى حاجة فى مصر ببلاش) فى عصر كان فيه العالم كله بيلاقى الكتب على الارض زى الهند مثلا اللى هى سبقتنا بفراسخ و اميال فى التكنولوجيا وده بسبب الجيل اللى فوقينا و جهله و هو نفس الجيل اللى بياخرنا احنا كمان على اننا نعمل حاجة تخلينا نبقى على الاقل فى نفس المرتبة اللى كنا فيها بس احنا بقينا واقفين مكاننا فا تأخرنا كتيرو اصبح اللى عايز يبقى فى مكانه فى السباق اول حاجة يعملها انه يدوس على مشاعره و يهرب من البلد دى علشان مش حايقدر يقبل انه يدفن نفسه مع شوية ناس ما عندهمش ضمير لأنه مش لاقى فيها غير القرف و الفقر والظلم و اليأس ( الاربع حاجات دول ممكن نألف عليهم حاجة نوصلهم ببعض ونثبت زى الرياضيات انهم متغيرات ليها علاقة ببعض بس فى تهييسة تانية .... اسف اقصد مقالة تانية) للأسف

وكان فيه تشبيه حلو قوى كان تقريبا نجيب محفوظ وصف بيه مصر و تقريبا كان بالشكل ده
ان مصر هى سيدة اخذت ترضع صغارها و ظل الصغار يرضعون حتى جف الحليب منها و تبقى الدم وظلوا يرضعون الدم حتى لم يتبقى دم و اكلوا لحمها حتى لم يتبقى منها غير عظمها

واحد زميلى من ايام المدرسة قال لى "خلاص البلد دى ماعتش فيها حاجة" قلت له انا قدامك و قدام كل الناس اللى شايفنا دلوقتى بقول انه قريب جدا ان الناس الكويسين اللى لسه موجودين (وعاملين زى سلالة مهددة بالانقراض) حا يطفشوا من مصر و مش حيرجعوا تانى

فى النهاية كل اللى اقدر اقوله بعد لما كنت بأتكلم عن الشيبسى و الهبل المصرى .... لاقيت انى بأكلم نفسى

اتمنى انكم تكونوا فهمتوا حاجة منى

و شكرا

ر

نقطة أمل فى بحر من اليأس

كنت بأتكلم مع واحد زميلى منذ أول يوم من ايام الكلية وهو من الناس المجتهدة جدا وانا بصراحة بأحترمه جدا وهو بيشتغل فى شركة اى بى ام

فأكنت بأشتكى له من انى حاسس انى عايش زى الحيوانات و انى بأشتغل الصبح علشان بالليل الاقى اكل وانى ما ليش فايدة فى الدنيا غير كده

و كنا متفقين على انى لو فضلت كده و وجهة نظرى للحياة و طريقة تعاملى مع البنى ادميين كده يبقى فعلا مافيش امل انى الاقى هدف اسعى علشان احدده والسبب فى ده انى اتجرحت من فترة مش قريبة ولغاية دلوقتى انا مش قادر اخف منه ( والجرح ده معنوى مش مادى لأحسن حد يكون فاكر حاجة غير كده ) و لازم انى انساه

قلت له انه مهم بالنسبة لى انى ما انساش الحاجة دى لأنها زى ما تكون المفتاح اللى بيه اعرف اتعامل مع الشخصيات الزبالة دى كويس بعد كده و ما اندمش على انى حاتعامل معاهم بكل اللى اقدر عليه من قلة الادب و الوقاحة لأنهم للأسف ما بيخافوش غير من دول و انها خبرة لا تقدر بثمن

..... المهم فاقلت له ان مشكلتى الاساسية انى مش عارف اذا كنت حافضل عايش طول عمرى وحيد و حاسس انى لوحدى فى الدنيا ( طبعا ممكن ناس تقول امال اهلك بيعملوا ايه ) والوحدة هنا لأن فى أنواع من العلاقات الانسان بيحتاجها و بالعربى كده اذا كانت فى انسانة ممكن انها تقدره و تهتم بيه والذى منه فقال لى ان كل الناس اللى زى و زيه اللى مش مرتبطين حاسيين بنفس الحاجة انما اللى ارتبطوا عكس كده و طبعا اشك فى الكلام ده لأنى اتعلمت ان فى الحياة انك كل مدى ما بترتقى فى حياتك الشخصية بترتقى فى المشاكل و كل لما بتبقى فى حالة معينة يعنى مثلا اعزب بيكون ليك مشاكل معينة و لما بتترقى ل متزوج المشاكل بتترقى برضة و بعدين بتبقى متزوج ويعول وبعد كده ممكن تترقى انك تبقى يا مطلق يا ارمل و كل واحدة فى دول بيبقى ليهم مشاكل برضه بس مش حاندخل فيها و طبعا على رأس الترقيات كلها الموت !!!! و ما ادارك بقى مشاكل الاخرة اللى مش ممكن تتحل خالص

ووضحت له وجهة نظرى ان المشكلة بتتكون من ثلاثة ابعاد و هى الوقت و الفلوس و الانسة الصحيحة و طبعا لو ثبتنا اثنين منهم كأننا بنحل مسألة رياضيات (على الرغم من ان عنصر الوقت ده مش حاتعرف تثبته ابدا ممكن) يكون الحل اخد فترة طويلة من حياتك لدرجة ممكن تكون وصلت لمرحلة اللى هو السن فيه ما ينفعش تختار و ايه حاجة و خلاص

و برضه قلت له انى بصراحة منحاز جدا لأصدقائى اللى هما وقعوا فى اهالى ولاد كلب و بيتأمروا على البنى ادميين اللى بيروحوا ياعينى علشان يترتبطوا بالبنات اللى بيحبوهم

و بعدين يحصل ما لا يحمد عقباه بأن ناس تتأمر على مكان الشقة و ناس تتريأ على الهدايا و ناس تطلب مهر و شبكة خزعبليين و ناس تطلب قايمة و نايمة و مؤخر صداق سعره فى العالى و ناس عايزين ستائر بأربع ألاف جنيه و حاجات من دى

و ناس تقول للأخ من قبل لما تشوفه " كل شئ يابنى قسمة و نصيب" كأننا مثلا بدل ما كل واحد بيتجوز بنت لأ البنت بقت حتة من فطيرة كبيرة فيها حتت كتير .....أحم أسف اقصد بنات كتير وكل واحد معاه اللى ينفع يأخد بيه اكبر حتة ( يعنى هنا احسن بنت فى الجمال و و فوول أوبشن يعنى من الاخر كده موديل 2007 و متعدلة علشان تعرف تلعب عليها اللعب المنسوخة و كده بقى نبقى دخلنا فى بلاى ستيشن 3 ) ....... ما علينا

المهم فصاحبى سألنى " الكلام اللى انت بتقوله على ان الناس فعلا بتعمل الكلام ده مضبوط بس انت جربت تتقدم لحد ؟" قلت له لأ بصراحة و انا مبسوط ان لسه ما حدش قرفنى فى عيشتى بالشكل ده فقال يابنى الرسول صلى الله عليه وسلم قال " تفألوا بالخير تجدوه" و بعدين انت ما شفتش فلان و علان و فلان 2 و علان 2 و فلان 3 و علان 3 اتقدموا والمواضيع مشيت بسلاسة (طبعا مش هو ده اللى حصل بالضبط بس المواضيع دلوقتى لما بتمشى من اصله فى الاخر بيقولوا انها مشيت بسلاسة ) قلت له : مضبوط

فقالى : صعب انك تفضل ترهق عقلك بحاجة لسة ما حصلتش و لما تحصل ابقى ساعتها فكر فيها مش يمكن تقع فى انسانة كويسة و اهلها ناس كويسين قلت فى عقلى يمكن ما حدش عارف حاجة دلوقتى من البلد اللى رجليها فى رأسها والعكس صحيح

فعلا الانسان احسن له ما يعرفش حاجة عن الغيب لأنه لو الواحد قعد يدرس احتمالات كل حاجة ممكن تحصل ممكن عقل الواحد يقف و يعمل

ٍٍٍSHUTDOWN

ويفضل طول عمره مش عارف يعمل حاجة لأن كل حاجة تافهة و صغيرة فى حياة الانسان ليها احتمالات كتير جدا وممكن دراستها بس تأخد عمر الواحد كله

على العموم انا متأكد ان ممكن الواحد لو لقى يعمل ترقية لدماغه علشان تستحمل مصر والمصريات ممكن يعرف يعيش

وشكرا

ر

A Not Fresh - Restart or Reboot

ازيكوا يا جماعة

بقالى فترة كبيرة ما كتبتش فى البلوج يعنى الفترة دى بقالها حوالى سنة كده

على العموم ما علينا انا بس كنت عايز اتكلم فى حاجة لسه ملازمانى لغاية دلوقتى على الرغم من انى دى الشركة التالتة اللى بأشتغل فيها دلوقتى و عرفت ناس كتير وشوفت حاجات اكتر بس الحاجة دى فضلت شوكة فى ظهرى و مش عارف اطلعها .

سيبوكم من الاباء اللى طلعوا موضة جديدة الايام دى اللى بيخلوا اولادهم يصرفوا عليهم و لا الاباء اللى بيطردوا ولادهم علشان يذلوهم ويهينوهم نفسيا و معنويا

خلونا فى الحاجة اللى ارفتنا طول عمرنا و مش لاقيين ليها حل
والمشكلة دى انا بأصنفها انى مالهاش حل منطقى على الاطلاق

يعنى مثلا لو اتكلمنا على الاباء الرمم اللى بيذلوا ولادهم ممكن يجيلهم يوم و يموتوا

واى مشكلة ممكن تلاقى ليها حل منطقى ما عدا المشكلة دى
لانى المشكلة دى مشكلة غير منطقية بالمرة و المشكلة دى للأسف هى

البنت

اخر حاجة شوفتها كانت بنت عرفنى عليها واحد صاحبى على اساس الصداقة مش اكتر
وانا فعلا اقصد مش اكتر

المهم ان احنا اتقابلنا من فترة قريبة و حاولت اتكلم معاها

هى بنت على مايبدوا انها رقيقة و شكلها جميل

بس كالعادة عمرك ما تلاقى الحاجة اللى انت عايزها حاولت اتكلم علشان اتعرف عليها بس لاقيت فى سد غير مرئى ليا لما اتكلمت لاقيت ان اسهل و اتفه الحاجات اللى ممكن اتكلم فيها هى مش عارفة تفهمها لدرجة ان صاحبى اللى عرفنى عليها سألها انت عارفة هو بيتكلم عن ايه ؟ قالتله ما أنا مستنية انه يشرح لى

ساعتها انا حسيت ان فى كتلة من مادة صلبة ليها كثافة عالية و وزنها تقيل قوى وقعت عليا و عرفت انا المفروض انى اعمل ايه عرفت ان كل اللى اقدر انى اقوله هو كلام عن عصام كاريكا و شنكوتى و الواد اللى زى الباراشوت وان كان فى واحد فى المدرسة معانا فى المدرسة اسمه قاردون وكلام من الذى منه علشان ما اقلبش القعدة نكد لأنى لو فعلا كنت قلت حاجة كنت قلت يا فلان خلينا نقوم علشان انا مش حاقدر اكمل

المهم احنا روحنا وبعدين سألنى "ايه رأيك" قلت له بنت عادية جدا قالى يعنى مش فاهم قلت له انا حاسس ان مش عارف اتكلم معاها فا مش عارف اذا كنت ينفع ابقى صديق ليها تحكى له همها ولا لأ و خصوصا ان العبد لله له هم برضه و قرفان منه جدا

فارجعت البيت و قعدت قدام الكمبيوتر وحسيت انى مش عارف اتنفس أنى بأتخنق حسيت انى مش عارف اتعامل مع البنت الطبيعية المصرية حسيت انى منعزل عنهم لدرجة تخلينى مش قادر اتعامل او اتكلم معاهم حتى .لاقيت انه مافيش ارض مشتركة ممكن الواحد يقف عليها علشان يتفاهم معاها

فى الاخر حسيت ان ده كله غلطى حيست انى لو كنت اتفه من اللى انا فيه شوية و اهتماماتى بالاغانى او بالموضة و البنطلون الديرتى ولا الواد ابو جيل فى شعره اللى مبلط فى الديسكو كان ممكن اعرف اتعرف على بنات اكتر وساعتها كان سوء التفاهم اللى مابينى و مابين البنات كان يتبخر

بس خلاص فات الاوان وللأسف كنت حاطط ليا نموذج فى المدرسة انا فعلا مش لاقى زيه دلوقتى. كانت قمة فى الجمال و الذكاء حأ رمز ليها بأسم "دال" ده لأنه اول حرف فى اسمها بس للأسف انا كانت الظروف ما تسمحش انه يكون فى حاجة ما بينا غير الصداقة فقط

وسألت نفسى سؤال " ليه الحلو مش بيكمل" يعنى انا ما اقدرش اقول حاجة عن البنت اللى صاحبى عرفنى عليها لأنها بالنسبة لى حلوة جدا بس من ناحية التفاهم حاسس ان فى فجوة كبيرة قوى بس صاحبى حاول انه يقول لى "معلش اصل دى اول مرة تتكلموا مع بعض" ... يمكن

و انا مش بقول الكلام ده لمجرد انى لسه بأتكلم مع واحدة لأ انا أتكلمت مع كذا بنت بس لأقيت ان فيه عامل مشترك ما بينهم و هو حاجز التفاهم و ممكن ابقى احيكلكم على الحكايات دى بعدين

واكتر بلوج بصراحة قرفنى فى عيشتى كان بلوج اسمه
http://wanna-b-a-bride.blogspot.com

طبعا انتم حاتقولوا و مال البلوج ده و مال الموضوع . ساعتها ممكن اقول لكم ادخلوا و شوفوه و خصوصا مقالة عن الرقة والانوثة
على العموم انا حاحط اللينك بتاع المقالة علشان انا عارف انكم مش عايزين تدورا

http://wanna-b-a-bride.blogspot.com/2007/05/blog-post.html

المقالة دى فهمت منها ان المفروض ان الشاب اللى تعب فى انه يجهز نفسه ويجيب شقة علشان يتجوز على رأى محمود العسيلى " وخلاص العين حتنام بعد ليالى كتيرة سهرانة " للأسف حيضطر انه يضحى بأنه يتجوز انثى مسخ مافيهاش ريحة الانوثة والرقة و شكله كده حيتجوز ابن عمه أحسن زى ما اللمبى قال فى اللى بالى بالك لأن البنات خلصت و اتبقى مسوخ اشباه البنات لأن الحياة للأسف عملت من البنت المصرية مسخ لأ هى انثى و لا هى ذكر و لازم اللى عايز يتجوز يتقبل الحالة دى وينسى بقى انه ممكن يلاقى انثى لأنها انقرضت من على وجه امنا مصر الحبيبة يعنى بالمختصر المفيد " هو ده اللى في السوق " فطبعا ربنا يخلى لينا الاباء المتخلفين اللى خلفوا بنات بتتكلم بالطريقة دى لأننا وصلنا لأدنى مستويات التفكير و اعلى مستويات التعقيد والتعقيد قلب بهبل

و غالبا اولويز بالاجنحة هو السبب

و شكرا

ر

ملوحظة اخيرة : انا متأكد ان انا شوفت "دال" بدرى فى حياتى لسبب و اعتقد السبب هو ان "دال" هى الدليل على انى ممكن فى يوم الاقى البنت اللى بدور عليها طول عمرى